நேற்று பங்குச்சந்தை முடிவின் பொது மும்பை பங்குச்சந்தை குறியீட்டு எண் சென்செக்ஸ் 79.90 புள்ளிகள் சரிந்து 41,872.73 எனவும், தேசிய பங்குச்சந்தை குறியீட்டு எண் நிஃப்டி 19 புள்ளிகள் சரிந்து 12,343.30 எனவும் வர்த்தகமாகியுள்ளது.
அமெரிக்கா - ஈரான் இடையே நிலவி வந்த பதற்றத்தால் இந்திய பங்குச்சந்தை கடும் சரிவைச் சந்தித்தது. இந்திய பங்குச்சந்தை என்று கூறுவதை விட உலகளாவிய பங்குச்சந்தைகள் அனைத்தும் கடும் சரிவைச் சந்தித்தன.
இந்நிலையில் நேற்று பங்குச்சந்தை தொடக்கத்தின் பொது கடும் சரிவைச் சந்தித்த வர்த்தக பங்குகள், முடிவின் பொது சற்றே உயர்ந்து வர்த்தகமாகியுள்ளது. மேலும் இன்டஸ்இன்ட் வங்கி பங்குகள் ஐந்து விழுக்காடுக்கும் மேல் சரிவைக் கண்டுள்ளது. சென்செக்ஸில் கடும் சரிவைச் சந்தித்த பங்குகளில் இன்டஸ்இன்ட் வங்கி முதலிடம் பிடித்துள்ளது.
இதனைத் தொடர்ந்து மந்தமாக செயல்பட்ட பங்குகளில் இன்போசிஸ், பவர் கிரிட், டெக் மஹிந்திரா, பார்தி ஏர்டெல் பங்குகள் இடம்பிடித்துள்ளன. சிறப்பாக செயல்பட்ட பங்குகளில் டைடன், மாருதி, ஏசியன் பைன்ட்ஸ், ஹீரோ மோட்டோகார்ப் பங்குகள் இடம்பிடித்துள்ளன.
இன்று தொடங்கிய இருக்கும் பங்குச்சந்தையில், பங்குதாரர்களின் கவனம் இன்டஸ்இன்ட் வங்கி பங்குகள் மீது இருந்து வருகின்றன.
இதையும் படிங்க: டிக்டாக் செயலியை ஓரங்கட்டுமா ஃபேஸ்புக்கின் லஸ்ஸோ!
