தெற்கு கொல்கத்தாவில் ரீஜண்ட் பார்க் என்ற பகுதியில் வசித்துவருபவர் பிரியங்கா புராகயஸ்தா. இவர் கல்லூரியில் படித்துவந்தார். இந்நிலையில் நேற்று காலை எட்டு மணியளவில் இவர் தனது வீட்டு முன்பு இளைஞர் ஒருவரால் சுட்டுக்கொல்லப்பட்டார்.
இதையடுத்து, தகவலறிந்து சம்பவ இடத்திற்கு வந்த காவல் துறையினர் விசாரணை மேற்கொண்டனர். விசாரணையில், அந்த இளைஞர் ஜெயந்தா ஹால்டர் என்பதும், அவரும் சுட்டுக்கொல்லப்பட்ட பெண்ணும் காதலர்கள் என்பதும் தெரியவந்தது.
ஆரம்பத்தில் ஜெயந்தா ஹால்டரை காதலித்த பிரியங்கா, அவர் ஏற்கனவே திருமணமானவர் என்று தெரிந்ததும் அவரிடமிருந்து விலக ஆரம்பித்துள்ளார். இதனால் ஆத்திரமடைந்த ஜெயந்தா பிரியங்காவை சுட்டுக்கொன்றுள்ளார் என்று காவல் துறையினர் தெரிவித்துள்ளனர்.
தற்போது தலைமறைவாக உள்ள ஜெயந்தா ஹால்டரை காவல் துறையினர் தீவிரமாகத் தேடிவருகின்றனர்.
