மெக்சிகோவில் சக்திவாய்ந்த நிலநடுக்கம்: ரிக்டர் அளவில் 7.4ஆக பதிவு!

மெக்சிகோவில் 7.4 ரிக்டர் அளவில் சக்திவாய்ந்த நிலநடுக்கம் ஏற்பட்டுள்ளது. சேத விவரங்கள் குறித்து எந்த தகவல்களும் இன்னும் வெளியாகவில்லை.

மெக்சிகோவின் ஓக்சாக்கா பகுதியில் சக்திவாய்ந்த நிலநடுக்கம் ஏற்பட்டது. இந்த நிலநடுக்கம், ரிக்டர் அளவுகோலில் 7.4 ஆக பதிவாகியிருந்ததாக அமெரிக்க புவியியல் ஆய்வு மையம் தெரிவித்துள்ளது.

நிலநடுக்கம் காரணமாக கட்டடங்கள் குலுங்கின. இதனால் அச்சமடைந்த பொதுமக்கள், வீடுகளை விட்டு வெளியேறி நீண்ட நேரம் திறந்தவெளியில் இருந்தனர். நிலநடுக்கம் காரணமாக ஏற்பட்ட சேத விவரங்கள் குறித்த தகவல் இல்லை.