லக்னோ: உத்தரப் பிரதேச மாநிலம் காசியாபாத்தில் அனில் என்பவர் நடத்தும் பழக்கடையில் கடந்த 23ஆம் தேதி சந்தீப் என்பவர் பலாப்பழம் வாங்கினார். இதையடுத்து சந்தீப் வீட்டுக்கு சென்று பார்த்தபோது, பழம் சேதமடைந்திப்பதை கவனித்தார். இதனால் பழத்துடன் கடைக்கு சென்று வியாபாரி அனிலிடம் வாக்குவாதம் செய்துள்ளார்.
இந்த வாக்குவாதம் கைகலப்பாக மாறியது. அப்போது சந்தீப் அருகிலிருந்த இரும்புக் கம்பியை எடுத்து வியாபாரியை தாக்கினார். இதில் பலத்த காயமடைந்த வியாபாரி மருத்துவமனையில் அனுமதிக்கப்பட்டு சிகிச்சை பெற்று வந்தார். இந்த நிலையில் இன்று (ஜூன் 25) சிகிச்சை பலனின்றி உயிரிழந்தார். இந்த சம்பவம் தொடர்பாக வழக்குப்பதிவு செய்யப்பட்டுள்ளதாகவும், சம்மந்தப்பட்டவர் விரைந்து கைது செய்வோம் என்றும் போலீசார் தெரிவித்தனர்.
இதையும் படிங்க: ஒரிசாவில் விண்ணில் பாய்ந்து துல்லியமாக இலக்கை தாக்கி அழிக்கும் ஏவுகணை சோதனை வெற்றி!
