இஸ்லாமியப் பெண்ணை காதலித்த இந்து இளைஞர் கொலை - இருவர் கைது!

மதம் மாறி காதலித்ததற்காக தாழ்த்தப்பட்ட சமூகத்தைச் சேர்ந்த இளைஞரை கொலை செய்த வழக்கில், இருவரை போலீசார் கைது செய்தனர்.

கர்நாடகா: கர்நாடக மாநிலம், கலாபுரகி மாவட்டம், வாடி நகரில் வசித்து வந்த தாழ்த்தப்பட்ட சமூகத்தைச் சேர்ந்த விஜய்(25) என்ற இளைஞர், இஸ்லாமிய மதத்தைச் சேர்ந்த பெண்ணை காதலித்து வந்துள்ளார். அப்பெண்ணும் விஜயும் திருமணம் செய்து கொள்ள முடிவு செய்ததாகத் தெரிகிறது. இதற்கு அப்பெண்ணின் குடும்பத்தார் கடும் எதிர்ப்பு தெரிவித்துள்ளனர்.

இதுகுறித்து அறிந்த அப்பெண்ணின் சகோதரர் ஷஹாபுதீன், விஜயின் வீட்டுக்குச் சென்று, அவரது தாயாரை எச்சரித்துள்ளார். தனது சகோதரியை காதலிப்பதை விட்டுவிடவில்லை என்றால், விஜயின் தலையை கொய்துவிடுவேன் என மிரட்டியுள்ளார்.

இந்த நிலையில், கடந்த 25-ம் தேதி ரயில்வே பாலம் அருகே விஜயினை வழிமறித்த சிலர், கட்டைகள், கற்கள் உள்ளிட்டவற்றைக் கொண்டு தாக்கியதாக தெரிகிறது. இதில், படுகாயமடைந்த விஜய், சம்பவ இடத்திலேயே உயிரிழந்துள்ளார். இதுகுறித்து வழக்குப்பதிவு செய்து விசாரணை நடத்திய போலீசார், நேற்று (மே 26) பெண்ணின் சகோதரர் ஷஹாபுதீன் உள்ளிட்ட இருவரை கைது செய்தனர்.