ஹைதராபாத்: உலகம் முழுவதும் மாறிவரும் டிஜிட்டல் பணப்பரிவர்த்தனை அனைவருக்கும் எளிதான வழியை உண்டாக்கினாலும் இதில் பல சிக்கல்கள் உருவாகி வருகின்றன. அதில் ஒன்றுதான் டிஜிட்டல் கடன் மோசடிகள், சமீப காலமாக கடன்பெறுபவர்கள் மற்றும் கடன் அளிக்கும் நிறுவனங்களுக்கு இடையே மூன்றாம் தர முகவர்களாக செயல்படும் கடன் வசூலிப்பவர்களால் பல பிரச்னைகள் ஏற்படுவதைத் தவிர்க்க இந்திய ரிசர்வ் வங்கி டிஜிட்டல் கடன்பெறும் முறைகளில் சில விதிகளை அறிமுகப்படுத்தியுள்ளது.
கடன் வாங்குபவருக்கும் கடன் அளிப்பவருக்கும் இடையிலான எந்தவொரு கடன் பரிவர்த்தனையும் இந்திய ரிசர்வ் வங்கியின் (RBI) வரைமுறைகளுக்கு கீழ் வரும். இதில் கடன் மோசடி, மிரட்டிப் பணம் பறித்தல், அதிக வட்டி வசூலித்தல் மற்றும் தனிப்பட்ட தகவல்களைத் திருடுதல் போன்றவை நடப்பதை ஒழுங்குமுறை அமைப்பு கண்டறிந்துள்ளது. இந்தப் பிரச்னையைத் தீர்க்க, கடன் வழங்கும் நிறுவனங்கள் கவனமாகப் பின்பற்றுவதற்காக ரிசர்வ் வங்கி பல விதிகளைக் கொண்டு வந்துள்ளது.
புதிய விதிகளின்படி, கடன் வழங்கும் நிறுவனம் பெறுநரின் e-KYC குறித்த தகவல்களை முழுமையாகப்பெற்ற பின்னரே கடன் தொகையை நேரடியாக டெபாசிட் செய்ய முடியும். அதைத் தொடர்ந்து, கடன் வாங்குபவரிடமிருந்து கடனுக்கான பரிவர்த்தனைகளில் வேறு எந்த நிறுவனத்தின் தலையீடும் இருக்கக்கூடாது என்று ரிசர்வ் வங்கி தெளிவுபடுத்தியுள்ளது. இந்த ஒழுங்குமுறையானது டிஜிட்டல் கடன்கள் என்ற பெயரில் மோசடி செய்யும் பயன்பாடுகளைக்கட்டுப்படுத்துவதை நோக்கமாகக் கொண்டுள்ளது.
கடன்கள் பெறப்படும்போது, கிரெடிட் பீரோக்கள் (கடன் அளிக்கும் நிறுவனங்கள்) கடனாளி தொடர்புடைய எல்லா தரவையும் சேகரிக்கின்றன. அவர்கள் தொகை மற்றும் காலத்தைத்தவிர்த்து மற்ற அனைத்து கடன்களின் விவரங்களையும் பதிவு செய்கிறார்கள். சில டிஜிட்டல் கடன் நிறுவனங்கள் கிரெடிட் பீரோக்களுக்கு அத்தகைய விவரங்களை வழங்குவதில்லை.
தவறாமல் திருப்பிச்செலுத்தும்போதும், இந்த விவரங்கள் கிரெடிட் பீரோக்களிடம் கிடைக்காது. இது கடன் பெறுபவரின் கிரெடிட் ஸ்கோரில் பாதகமான தாக்கத்தை ஏற்படுத்துகிறது. இனி ரிசர்வ் வங்கியின் புதிய விதிகள்படி 'இப்போது வாங்கினால் பிறகு பணம் செலுத்துங்கள் (BNPL) சேவைகளை வழங்கும் நிறுவனங்களும் சிபில் (CIBIL-Credit Information Bureau (India) Limited) மற்றும் Experian போன்ற கடன் நிறுவனங்களுக்கு இந்த விவரங்களை வழங்க வேண்டும்.
கடனுக்கான ஒவ்வொரு கட்டணமும் வெளிப்படையாக இருக்க வேண்டும் என்று ரிசர்வ் வங்கி நிபந்தனை விதித்துள்ளது. கடன் சேவைகளை வழங்கும் இடைத்தரகர்கள் எந்த கட்டணத்தையும் வசூலிக்கக்கூடாது. கடனை அனுமதிப்பதில் உள்ள அனைத்து செலவுகளையும் அவர்கள் ஒரு பக்கத்தில் ஒப்படைக்க வேண்டும். இதில் வட்டி விகிதங்கள் இருக்க வேண்டும். எனவே, கடனாளிகள் எவ்வளவு வட்டி மற்றும் கட்டணம் செலுத்த வேண்டும் என்பதைத் தெரிந்துகொள்வார்கள்.
கடன் வாங்கியவுடன், கடன் வாங்கியவர் தவணைகளைச்செலுத்த வேண்டும். புதிய விதிகளின்படி, கூடுதல் செலவுகள் இல்லாமல் டிஜிட்டல் லோன் காலாவதியாகும் முன் கடன்களை செலுத்தி முடித்துக்கொள்ளலாம். பின்னர் சம்பந்தப்பட்ட காலத்திற்கு வட்டி மட்டுமே செலுத்த வேண்டும்.
இந்த காலகட்டத்தில் வேறு எந்த கூடுதல் கட்டணமும் நிறுவனங்களால் வசூலிக்கப்படக்கூடாது. காப்பீட்டு பாலிசிகளில் இது ஒரு 'ஃப்ரீ லுக்' காலம் போன்றது. வங்கிகள் இந்த விதியை டிஜிட்டல் அல்லாத கடன்களுக்கும் நீட்டிக்குமா இல்லையா என்பது குறித்த தகவல்கள் இதுவரை வெளியாகவில்லை.
இந்த பாதுகாப்புகளுக்கு கூடுதலாக, ரிசர்வ் வங்கி ஒரு புதிய விதியை கொண்டு வந்துள்ளது. அதன்படி கடன் வழங்குவதற்கு தேவையான தரவுகளை மட்டுமே நிறுவனங்கள் சேகரிக்க வேண்டும். கடன் வாங்குபவரின் தொலைபேசியில் உள்ள அனைத்து தொலைபேசி எண்கள் மற்றும் அழைப்பு பட்டியல்கள் சேகரிக்கப்படக்கூடாது. இதற்கு முன் அனுமதி பெற்றாலும், பின்னர் கடன் வாங்கியவரின் கோரிக்கையின் அடிப்படையில் அதை நீக்கலாம். அடுத்த 25 ஆண்டுகளில், ஃபின்டெக் துறையானது வழக்கமான கடன் தொடர்பான பாதையின் மாற்றங்களுக்காக அமைக்கப்பட்டுள்ளது.
அத்தகைய சூழ்நிலையில், கட்டுப்பாட்டாளரால் கொண்டுவரப்பட்ட பாதுகாப்பு விதிகள் நுகர்வோரைப் பாதுகாக்கவும், கணினியில் நம்பிக்கையை வலுப்படுத்தவும் உதவும்.
இதையும் படிங்க:நாடு முழுவதும் தொடரும் கடன் சிக்கல் - தப்ப முடியாமல் தற்கொலை! தீர்வுதான் என்ன?
