ராஜஸ்தான், பாரத்பூரில், மூன்று நாட்களுக்கு முன்பு, பட்டியலின சிறுமி கடத்தப்பட்டும், பாலியல் வண்புனர்வு செய்யப்பட்டும், தூக்கி எறியப்பட்டதாக மூன்று நாட்களுக்குப் பிறகு, அச்சிறுமியின் குடும்பத்தினர் பாரத்பூர் காவல் நிலையத்தில் புகார் பதிவு செய்துள்ளனர்.
அப்புகாரின் அடிப்படையில், குற்றவாளிகள் மீது போஸ்கோ சட்டம், இந்திய தண்டனைச் சட்டத்தின் பிரிவு 376 (கும்பல் கற்பழிப்பு), பிரிவு 352 (தாக்குதல்) போன்ற பிரிவுகளின் கீழ் வழக்கு பதிவு செய்தனர்.
இச்சம்பவம் குறித்து பஹாரி காவல் கண்காணிப்பாளர் சுனில் குமார் குப்தா கூறுகையில், “ சிறுமியை பாலியல் வண்புனர்வு செய்ததாக எங்களுக்கு புகார் வந்துள்ளது. அச்சிறுமிக்கு விஷம் கொடுத்து பின் பாலியல் வண்புனர்வு செய்துள்ளனர். பின் அச்சிறுமியை காட்டுக்குள் வீசி, அங்கெருந்து தப்பு ஓடுயுள்ளனர்” எனக் கூறினார்.
மேலும் இதுகுறித்து கம்பாவின் துணை காவல் கண்காணிப்பாளர் பிரதீப் யாதவ் கூறுகையில், “அச்சிறுமிக்கு மருத்துவ பரிசோதனை செய்யப்பட்டுள்ளது. நாங்கள் எங்கள் விசாரணையைத் தொடங்கிவிட்டோம். இச்சம்பவ்ம் குறித்து அச்சிறுமியின் குடும்பத்தினர் முன்பே புகார் அளிக்கவில்லை” என கூறினார்.
இதையும் படிங்க: காவல் துறையினரின் கஸ்டடியில் இருந்த இளைஞர் மரணம்!
