டெல்லி: சென்ட்ரல் விஸ்டா திட்டத்தின் கீழ் புதிய நாடாளுமன்ற கட்டடம் 970 கோடி ரூபாய் மதிப்பில் கட்டப்பட்டு வருகிறது. இந்த ஆண்டு 75வது சுதந்திர தினத்திற்கு முன்பு நாடாளுமன்ற கட்டடத்தை கட்டி முடிக்க திட்டமிடப்பட்டுள்ளது.
இந்த கட்டடத்தின் மேற்கூரையில் தேசிய சின்னத்தின் பிரம்மாண்ட சிலை கட்டப்பட்டுள்ளது. 9 ஆயிரத்து 500 கிலோ எடை, ஆறரை மீட்டர் உயரமும் கொண்ட இந்த தேசிய சின்னத்தின் சிலை, வெண்கலத்தால் உருவாக்கப்பட்டுள்ளது. இந்த சின்னத்தை தாங்கும் வகையில் சுமார் 6 ஆயிரத்து 500 கிலோ எடையில் இரும்பிலான அடித்தளமும் கட்டப்பட்டுள்ளது.
