பிரதமர் நரேந்திர மோடி, மாதம்தோறும் கடைசி ஞாயிற்றுக்கிழமைகளில் ‘மன் கி பாத்’ நிகழ்ச்சியின் மூலம் 2014ஆம் ஆண்டு முதல் நாட்டு மக்களுடன் உரையாற்றி வருகிறார். அந்த வகையில், இந்த மாதத்திற்கான ‘மன் கி பாத்’ வானொலி நிகழ்ச்சியில், இன்று (மார்ச்.28) காலை 11 மணிக்கு மக்களுடன் உரையாற்றுகிறார். இது 75ஆவது நிகழ்ச்சி என்பது குறிப்பிடத்தக்கது.
இது தொடர்பாக, இந்த மாதத் தொடக்கத்தில் பிரதமர் மோடி தனது ட்விட்டர் பக்கத்தில், "மன் கி பாத் நிகழ்ச்சியில், உங்கள் (குடிமக்களின்) யோசனைகளை அரசாங்கத்துடன் பகிர்ந்து கொள்ளுங்கள் அல்லது உங்கள் செய்தியை பதிவு செய்யுங்கள்" எனப் பதிவிட்டிருந்தார்.
சமீபகாலமாக இந்தியாவில் மீண்டும் அதிகரித்து வரும் கரோனா பாதிப்பு குறித்து பிரதமர் மோடி இன்று உரையாடுவார் என எதிர்பார்க்கப்படுகிறது.
இதையும் படிங்க:நெல்லூர் வேன் விபத்து: தமிழ்நாட்டைச் சேர்ந்த 8 பேர் உயிரிழப்பு
