டெல்லி: பெட்ரோல், டீசல் விலை தொடர்ந்து அதிகரித்து வருவதைத் தொடர்ந்து, காங்கிரஸ் கட்சியின் எம்.பி.,ராகுல் காந்தி, ஒன்றிய அரசை தனது ட்விட்டர் பக்கத்தில் விமர்சனம் செய்துள்ளார். இது குறித்து, வரிவசூலில் பிஹெச்டி என குறிபிட்டுள்ளார். தொடர்ந்து, ஒன்றிய அரசு வருமான வரி , கார்ப்பரேட் வரிகளை விட பெட்ரோல் டீசலில் இருந்து அதிக வருமானம் பெருகிறது எனத் தலைப்பிடப்பட்ட இந்தி பத்திரிக்கை செய்தி ஒன்றையும் பதிவிட்டுள்ளார்.
சில நாட்களுக்கு நிலையாக இருந்த பெட்ரோல் டீசல் விலை இன்று மீண்டும் அதிகரித்துள்ளது. பெட்ரோல் தற்போது 1 லிட்டர் ரூ.100- ஐ தொட்டுள்ளது. சில நகரங்களில் ரூ.100-ஐ கடந்துள்ளது. பெட்ரோல் அதிகபட்சமாக, போபாலில் 1 லிட்டர் ரூ. 105.43 க்கும், டீசல் ரூ.96.65க்கும் விற்பனை செய்யப்படுகிறது. அடுத்தப்படியாக மும்பையில் 1 லிட்டர் பெட்ரோல் ரூ.103.36 க்கும், டீசல் ரூ.95.44க்கும் விற்பனை செய்யப்படுகிறது.
பாட்னாவில் பெட்ரோல் , டீசல் முறையே ரூ.99.28க்கும், 93.30க்கும் விற்பனை செய்யப்படுகிறது. நாட்டின் தலைநகர் டெல்லியில் பெட்ரோல் லிட்டர் ஒன்றுக்கு 97.22 ரூபாய்க்கும், டீசல் 87.97 ரூபாய்க்கும் விற்பனை செய்யப்படுகிறது.
இதையும் படிங்க: உத்தரகாண்டில் ஊரடங்கு நீட்டிப்பு - வாரத்தில் 5 நாட்கள் கடை திறக்கலாம்
