புதுச்சேரி: சென்னையைச் சேர்ந்த திமுக நாடாளுமன்ற உறுப்பினர் என்.ஆர். இளங்கோ-வின் மகன் ராகேஷ். இவர் பணி நிமித்தமாக காரில் தனது நண்பருடன் சென்னையில் இருந்து புதுச்சேரிக்குச் சென்றார்.
பின்னர், விழுப்புரம் மாவட்டம் கோட்டகுப்பம் அடுத்த கீழ்புத்துபட்டு அருகே வந்துகொண்டிருந்தபோது எதிர்பாராத விதமாக சென்டர் மீடியமில் கார் மோதி விபத்துக்குள்ளானது.
இந்த விபத்தில் திமுக எம்பி-யின் மகன் ராகேஷ் சம்பவ இடத்திலேயே உயிரிழந்தார். அவருடன் பயணித்த நண்பர் புதுச்சேரியிலுள்ள தனியார் மருத்துவமனையில் சிகிச்சைக்காக அனுமதிக்கப்பட்டுள்ளார். இதற்கிடையே சம்பவ இடத்திற்கு சென்ற தீயணைப்பு வீரர்கள், வாகனததிற்குள் சிக்கிய ராகேஷின் உடலை போராடி மீட்டனர்.
பின்னர், அவரது உடலை மீட்ட காவல் துறையினர், உடற்கூராய்வுக்காக அரசு மருத்துவமனைக்கு அனுப்பி வைத்தனர். இதுதொடர்பாக கோட்டக்குப்பம் காவல் துறையினர், விசாரணை நடத்தி வருகின்றனர்.
இதையும் படிங்க: 'விஷாலின் கம்பெனியில் பணமோசடி செய்த பெண்ணுக்கு நிபந்தனை ஜாமீன்' - உயர் நீதிமன்றம்
