மும்பை: மிக்-29கே (MiG-29K) விமான விபத்தில் சிக்கிய ஒருவிமானி மீட்கப்பட்டார். மற்றொரு விமானியை தேடும் பணிகள் நடந்துவருகின்றன என்று கப்பற்படை செய்திக்குறிப்பில் தெரிவிக்கப்பட்டுள்ளது.
இந்திய கப்பற்படைக்கு சொந்தமான மிக்-29கே (MiG-29K) விமானம் வியாழக்கிழமை (நவ.26) மாலை 5 மணிக்கு அரபிக் கடலில் விபத்துக்குள்ளாகியுள்ளது.
இந்த விபத்தில் சிக்கிய ஒரு விமானி உயிருடன் மீட்கப்பட்டார். மற்றொரு விமானியை தேடும் பணியில் விமானப் படை வீரர்கள் ஈடுபட்டுள்ளனர். இந்த விபத்து குறித்து உயர்மட்ட அளவிலான விசாரணைக்கு உத்தரவிடப்பட்டுள்ளது என்று கப்பற்படை தெரிவித்துள்ளது.
மிக்-29கே (MiG-29K) ரக போர் விமானங்கள் ஐஎன்எஸ் விக்கிரமாதித்யா போன்ற போர்க்கப்பல்களில் பயன்படுத்தப்படுகின்றன.
இதையும் படிங்க: மலபார் கடற்படை பயிற்சி
