பால்கர்: மகாராஷ்டிரா மாநிலம், நலசோபாராவைச் சேர்ந்த ஜதின் பவார், சுபம் வர்மா ஆகிய இருவரும், அதே பகுதியில் ஸ்டேஷனரி வைத்திருக்கும் ஜிக்னேஷ் கோபானி(50) என்பவரிடம் பணம் பறிக்கத்திட்டமிட்டுள்ளனர். அதன்படி, தாங்கள் இருவரும் மாநில அரசின் இ-சேவை மைய கிளையைத் தொடங்கப்போவதாகவும், அதில் ஜிக்னேஷையும் பங்குதாரராக சேர்த்துக் கொள்வதாகவும் தெரிவித்துள்ளனர்.
அதற்காக ஒரு லட்சம் ரூபாயைக் கேட்டுள்ளனர். இதை நம்பிய ஜிக்னேஷ், அவர்களுக்குப் பணத்தைக் கொடுத்துள்ளார். இ-சேவை மையத்தை விரைவில் தொடங்கி விடுவோம் என்று கூறி, பல சமயங்களில் கொஞ்சம் கொஞ்சமாக ஒரு கோடி ரூபாய்க்கும் மேல் பணம் வாங்கியுள்ளனர்.
சில நாட்கள் கழித்து, இ-சேவை மையத்தின் உரிமையைப் பெறுவதற்கு கட்டணம் செலுத்திவிட்டதாகக் கூறி, ஒரு ரசீதை ஜிக்னேஷிடம் கொடுத்துள்ளனர். அந்த ரசீது சந்தேகப்படும்படியாக இருந்தது. அதில் முதலமைச்சர் ஏக்நாத் ஷிண்டேவின் கையெழுத்து மற்றும் சீல் ஆங்கிலத்தில் அச்சிடப்பட்டிருந்தது.
