மலாட்: நடிகர் கமல் ரஷீத் கான், கடந்த 2020ஆம் ஆண்டு, மறைந்த பாலிவுட் பிரபலங்களான இர்ஃபான் கான், ரிஷி கபூர் குறித்தும், அவர்களது மறைவு குறித்தும், தரக்குறைவாக ட்விட்டரில் பதிவிட்டார். இதுதொடர்பாக யுவ சேனா அமைப்பினர் அளித்தப்புகாரின் பேரில், மும்பை போலீசார் கமல் ரஷீத் கான் மீது வழக்குப்பதிவு செய்து விசாரணை நடத்தி வந்தனர்.
இந்த நிலையில், இன்று(ஆக.30) காலை மும்பை விமானநிலையத்தில், கமல் ரஷீத் கானை மும்பை போலீசார் கைது செய்தனர். அவர் மும்பையில் உள்ள போரிவலி நீதிமன்றத்தில் ஆஜர்படுத்தப்படுவார் என போலீசார் தெரிவித்தனர்.
கமல் ரஷீத் கான், பாலிவுட் பிரபலங்கள் குறித்து மட்டுமல்லாமல், பல பாலிவுட் திரைப்படங்களை குறித்தும் சர்ச்சைக்குரிய வகையில் பேசியுள்ளார்.
இதையும் படிங்க:பிரபல நடிகைக்கு பாலியல் தொல்லை கொடுத்தவர் கைது
