டெல்லி: முன்னாள் கிரிக்கெட் வீரர் வீரேந்திர சேவாக்கின் சகோதரி அஞ்சு சேவாக், ஆம் ஆத்மி கட்சியின் தேசிய செயலாளர் பங்கஜ் குப்தா முன்னிலையில் நேற்று(டிசம்பர் 31) அக்கட்சியில் இணைந்தார்.
இதுகுறித்து அஞ்சு சேவாக் கூறுகையில், "மாற்றம் என்பது இயற்கையின் விதி. அது எல்லோருக்கும் தேவை. ஆம் ஆத்மி கட்சி சிறப்பாக செயல்பட்டு வருவதால், அக்கட்சியில் இணைந்துள்ளேன். கட்சி எந்தப் பொறுப்பைக் கொடுத்தாலும் ஏற்கத் தயார்" என்றார்.
அஞ்சு சேவாக், காங்கிரஸ் கட்சியில் முக்கிய பொறுப்பு வகித்தவர். அக்கட்சியில் இருந்து விலகி, ஆம் ஆத்மி கட்சியில் இணைந்துள்ளார். 2012ஆம் ஆண்டு நடைபெற்ற நகராட்சித் தேர்தலின்போது, காங்கிரஸ் சார்பில் போட்டியிட்டு தக்ஷின்புரி மாநகராட்சி கவுன்சிலராக தேர்ந்தெடுக்கப்பட்டது குறிப்பிடத்தக்கது.
இதையும் படிங்க: வைஷ்ணோ தேவி கோயில் கூட்ட நெரிசலில் சிக்கி 12 பேர் உயிரிழப்பு
