டெல்லியில் பிஜ்வாசன் பகுதியில் உள்ள மின்மாற்றியில் ஏற்பட்ட தீ விபத்து, அருகிலிருக்கும் இரண்டு குடிசைகளுக்கு மளமளவெனப் பரவியுள்ளது. இதில், வீட்டிலிருந்த சிலிண்டர் வெடித்ததில், நான்கு சிறுவர்கள் உள்பட 6 பேர் உடல் கருகி உயிரிழந்தனர்.
தகவலறிந்து சம்பவ இடத்திற்கு விரைந்த தீயணைப்புத் துறையினர், தீயை அணைத்து கட்டுக்குள் கொண்டு வந்தனர். இறந்தவர்களின் உடலை மீட்டு உடற்கூராய்வுக்கு அனுப்பி வைத்தனர். இதுகுறித்து வழக்குப்பதிவு செய்த காவல் துறையினர், விசாரணை மேற்கொண்டு வருகின்றனர்.
ஒரே குடும்பத்தைச் சேர்ந்த 6 பேர் உயிரிழந்த சம்பவம், அப்பகுதி மக்களிடையே சோகத்தை ஏற்படுத்தியுள்ளது.
இதையும் படிங்க: கண்ணீர் அஞ்சலி ஃபிளக்ஸ் பேனர் விழுந்து பெண் பலி!
