டெல்லியில் உள்ள இந்திரா காந்தி சர்வதேச விமான நிலையத்திலிருந்து நாளை (வியாழக்கிழமை) லண்டன் புறப்படும் இரண்டு ஏர் இந்தியா விமானங்களுக்கு, சீக்கியர்களுக்கான நீதி (SFJ) என்னும் அமைப்பைச் சேர்ந்த நபர் ஒருவர் தொலைபேசி வாயிலாக மிரட்டல் விடுத்துள்ளார். இந்த இரண்டு விமானங்களும் நாளை லண்டனைச் சென்றடைய முடியாது எனக் கூறிவிட்டு அந்நபர் தொலைபேசியைத் துண்டித்துள்ளார்.
இதனை அடுத்து, விமான நிலையம், அதனைச் சுற்றியுள்ள பகுதிகளில் காவல் துறையினர் குவிக்கப்பட்டு, பாதுகாப்பு பலப்படுத்தப்பட்டுள்ளது. மேலும் ஏர் இந்தியா நிறுவனத்துக்கும் எச்சரிக்கை விடுக்கப்பட்டுள்ளது.
