காங்கிரஸ் கட்சியின் இடைக்காலத் தலைவர் சோனியா காந்தி வரும் அக்டோபர் 26ஆம் தேதி கட்சி பொதுச்செயலாளர்கள், மாநில பொறுப்பாளர்களை சந்தித்து ஆலோசனை நடத்த உள்ளார்.
அக்டோபர் 26ஆம் தேதி காலை 10 மணிக்கு நடைபெற உள்ள இக்கூட்டத்தில், ஐந்து மாநிலங்களுக்கான சட்டப்பேரவைத் தேர்தலுக்கான முன்னேற்பாடுகள், பரப்புரை உள்ளிட்டவை குறித்து ஆலோசிக்கப்படும் என தெரிவிக்கப்பட்டுள்ளது.
அதே நேரத்தில், உத்தரப் பிரதேச சட்டப்பேரவைத் தேர்தலுக்கான வேட்பாளர்களை தேர்ந்தெடுப்பதற்காக நாளை (அக்.23) மாலை ஆறு மணிக்கு காங்கிரஸ் தேர்தல் குழு கூட்டம் கூடுகிறது. 50 இடங்களுக்கான வேட்பாளர்கள் தேர்வு குறித்து இக்கூட்டத்தில் விவாதிக்கப்படும் என தகவல்கள் வெளியாகியுள்ளன.
இதையும் படிங்க: 100 கோடி தடுப்பூசி.. அச்சத்திற்கு மத்தியில் அரிய சாதனை- பிரதமர் நரேந்திர மோடி!
