பிரதமர் நரேந்திர மோடி தலைமையிலான மத்திய அமைச்சரவைக் கூட்டம் இன்று நடைபெற்றது. கூட்டத்தின் முக்கிய முடிவுகள் குறித்து மத்திய அமைச்சர் அனுராக் தாக்கூர் செய்தியாளர்களிடம் தெரிவித்தார்.
அவர் கூறியதாவது, "தற்சார்பு இந்தியா தொலைநோக்குத் திட்டத்தை மேலும், தீவிரப்படுத்தவும், மின்னணு சாதனங்கள் வடிவமைப்பு மற்றும் உற்பத்திக்கான உலகளாவிய குவிமையமாக இந்தியாவை நிலை நிறுத்தவும் நீடித்து உழைக்கும் செமி கண்டக்டர் மற்றும் காட்சிப்படுத்தும் மின்னணு சாதனங்கள் உற்பத்திச் சூழலை மேம்படுத்த விரிவானத் திட்டத்திற்குப் பிரதமர் நரேந்திர மோடி தலைமையில் நடைபெற்ற மத்திய அமைச்சரவை ஒப்புதல் அளித்துள்ளது.
தொழில்துறையில் 4.0 டிஜிட்டல் மாற்றத்தின் அடுத்தக் கட்டத்திற்கு செமி கண்டக்டர்களும் காட்சிப்படுத்தும் சாதனங்களும். நவீன மின்னணு துறைக்கு அடித்தளம் அமைப்பவையாகும். இது அதிகப்படியான முதலீடுகள், அதிகபட்ச பொறுப்பு போன்றவற்றைக் கொண்டதாகும்.
ரூ.76,000 கோடி ஒதுக்கீட்டுடனான மின்னணு சாதனங்கள், உபகரணங்களை ஒன்றிணைத்தல், முழுமையாக தயாரிக்கப்பட்ட பொருள்கள் உட்பட ஒவ்வொரு பகுதிக்கும் மத்திய அரசு ஊக்கத்தொகை அறிவித்துள்ளது.
ஒட்டுமொத்தமாக செமி கண்டக்டர்களை அடித்தளமாகக் கொண்டு மின்னணு சாதனங்கள் உற்பத்திக்கான மையமாக இந்தியாவை நிலைநிறுத்த ரூ.2,30,000 கோடி நிதியுதவி வழங்க மத்திய அரசு திட்டமிட்டுள்ளது எனத் தெரிவித்தார்.
இதையும் படிங்க: ஏழு ஆண்டுகளில் அணு மின் உற்பத்தி 40% உயர்வு - அமைச்சர் ஜிதேந்திர சிங் தகவல்
