ஆட்டுக்கறி வழங்காததால் கணவர் ஆத்திரம் - மனைவி எரித்துக் கொலை

தானே: ஆட்டுக்கறி வழங்காததால் ஆத்திரமடைந்த கணவர், தனது மனைவி மீது மண்ணெண்ணெய் ஊற்றி எரித்துக் கொலை செய்த சம்பவம் மகாராஷ்டிராவில் நிகழ்ந்துள்ளது.

மகாராஷ்டிரா மாநிலம், தானே பகுதியைச் சேர்ந்த ஒருவர், ஆட்டு இறைச்சி வாங்கி வந்து தனது மனைவியிடம் சமைக்கச் சொல்லி கொடுத்துள்ளார். அதன்பின் தம்பதி இருவரும் சாப்பிட்டுக் கொண்டிருந்தபோது, அதிகளவில் இறைச்சி வழங்கக்கோரி கணவர் கூறினார்.

ஆனால், அதற்கு மனைவி மறுப்பு தெரிவித்ததால் ஆத்திரமடைந்த கணவர், வீட்டில் இருந்த மண்ணெண்ணெயை மனைவி மீது ஊற்றி எரித்துள்ளார். இதனால் படுகாயமடைந்த அவர், மருத்துவமனையில் அனுமதிக்கப்பட்ட நிலையில் சிகிச்சைப் பலனின்றி உயிரிழந்தார்.

Husband sets wife on fire

ஆட்டுக்கறி வழங்காததால் கணவரே, மனைவியை எரித்துக் கொலை செய்த சம்பவம் அப்பகுதியில் பதற்றத்தை ஏற்படுத்தியுள்ளது. தகவலறிந்து சம்பவ இடம் விரைந்த தானே காவல்துறையினர், இந்தச் சம்பவம் தொடர்பாக வழக்குப் பதிவு செய்து விசாரணை மேற்கொண்டு வருகின்றனர்.