'புதுச்சேரியில் புத்தாண்டு கொண்டாட்டத்திற்கு தடை இல்லை' - முதலமைச்சர் நாராயணசாமி

புதுச்சேரி: புத்தாண்டு கொண்டாட்டத்திற்கு எந்தவித தடையும் இல்லை என்றும் விடுதிகள் மற்றும் பொது இடங்களில் டி.ஜே நடனத்திற்கு தடை விதிக்கப்பட்டுள்ளது என்றும் முதலமைச்சர் நாராயணசாமி தெரிவித்துள்ளார்.

புதுச்சேரி சட்டப்பேரவை வளாகத்தில் செய்தியாளர்களைச் சந்தித்து பேசிய முதலமைச்சர் நாராயணசாமி, "புதுச்சேரியில் கரோனா பாதிப்பு 98 விழுக்காடு குறைந்துள்ளது. மத்திய அரசின் வழிகாட்டுதலின் படி, யூனியன் பிரதேச அரசு எடுத்த முடிவு வெற்றி கண்டுள்ளது.

பல மாநிலங்களில் புத்தாண்டு கொண்டாட்டத்திற்கு தடை இல்லை. மத்திய சுகாதாரத்துறை அமைச்சகத்தின் விதிமுறைகளை முறையாக கடைபிடிக்க அறிவுறுத்தப்பட்டுள்ளது. அதன்படி தான் புதுச்சேரியில் புத்தாண்டு கொண்டாட்டத்திற்கு அனுமதி வழங்கப்பட்டுள்ளது. புதுச்சேரி தங்கும் விடுதிகளில் டி.ஜே உள்ளிட்ட நிகழ்ச்சிகள் நடத்த தடை விதிக்கப்பட்டுள்ளது.