கேரளாவில் மாடியிலிருந்து குதித்து மருத்துவக் கல்லூரி மாணவி தற்கொலை!

கொச்சி: அமிர்தா மருத்துவ அறிவியல் நிறுவனத்தில் எம்பிபிஎஸ் படித்து வரும் மாணவி தற்கொலை செய்து கொண்ட சம்பவம் சக மாணவர்களிடையே சோகத்தை ஏற்படுத்தியுள்ளது.

கேரளா மாநிலம் கொச்சியில் உள்ள அமிர்தா மருத்துவ அறிவியல் நிறுவனத்தில் இரண்டாம் ஆண்டு எம்பிபிஎஸ் படித்து வருபவர் வியோலா ரஸ்தோகி (Viyola Rastogi) (20). டெல்லியைச் சேர்ந்த இவர் நேற்று நண்பகல் 12:30 மணியளவில் கல்லூரி கட்டடத்தின் மேல்மாடியில் இருந்து குதித்தார். பின்னர் அங்கு இருந்த மற்ற மாணவர்களின் உதவியுடன் மருத்துவமனைக்கு கொண்டு செல்லப்பட்ட வியோலா ரஸ்தோகி சிகிச்சைப் பலனின்றி உயிரிழந்தார்.

இந்த தகவலறிந்து சம்பவ இடத்திற்கு விரைந்து வந்த சேரநெல்லூர் காவல் துறையினர் வழக்குப் பதிவு செய்து விசாரணை நடத்தி வருகின்றனர். இது குறித்து விசாரித்த சேரநெல்லூர் காவல் துறையினர், "வியோலா ரஸ்தோகி, தனது முதலாமாண்டு தேர்வுகளில் தேர்ச்சி பெறவில்லை என்றும் மறுமதிப்பீட்டிற்கு விண்ணப்பித்தும் தோல்வியைக் கண்டதால் மனவிரக்தி அடைந்து தற்கொலை செய்திருக்கலாம்" என்ற அதிகாரப்பூர்வமற்ற தகவலை வெளியிட்டுள்ளனர். இளம்பெண் தற்கொலை செய்து கொண்ட சம்பவம் மாணவர்களிடையே சோகத்தை ஏற்படுத்தியுள்ளது.

இதையும் படியுங்க: