17-வது மக்களவை தேர்தலில் மோடி தலைமையிலான பாஜக 300க்கும் மேற்பட்ட இடங்களில் முன்னிலை வகித்துள்ளதால், மோடி மீண்டும் ஆட்சியமைப்பது உறுதியாகியுள்ளது.
இந்நிலையில், டெல்லியில் செய்தியாளர்களை சந்தித்த காங்கிரஸ் தலைவர் ராகுல் காந்தி, "மக்கள் அளித்துள்ள தீர்ப்பை மதிக்கிறேன். பிரதமர் மோடிக்கும் , பாஜகவுக்கு வாழ்த்துகளை தெரிவித்து கொள்கிறேன். தோல்வி பற்றி காங்கிரஸ் காரிய கமிட்டி கூட்டத்தில் விவாதிக்கப்படும்" என்றார்.
மேலும், அமேதி தொகுதியில் தனது தோல்வியை ஒப்பு கொண்ட ராகுல், வெற்றிபெற்ற ஸ்மிருதி இரானிக்கு வாழ்த்துகளையும் கூறினார்.
