புதுச்சேரியில் கஞ்சா, குட்கா போதைப்பொருட்கள் விற்பதற்குத் தடை - முதலமைச்சர் உத்தரவு!

புதுச்சேரி: கஞ்சா, குட்கா உள்ளிட்டப் போதை பொருட்கள் விற்பனை செய்வது புதுச்சேரி முழுவதும் தடை செய்யப்பட்டுள்ளது; மீறினால் கடும் நடவடிக்கை எடுக்கப்படும் என முதலமைச்சர் நாராயணசாமி தெரிவித்துள்ளார்.

இதுகுறித்து அவர் வெளியிட்டுள்ள செய்திக் குறிப்பில்,

'கஞ்சா, குட்கா உள்ளிட்டப் போதைப் பொருட்கள் விற்பனை செய்வது புதுச்சேரி முழுவதும் தடை செய்யப்பட்டுள்ளது. புகையிலை என்ற பெயரில் இளைஞர்கள் மத்தியில் குட்கா விற்பனை செய்து, இளைஞர்களின் எதிர் காலத்தை பாழாக்குவதாகப் புகார் வந்துள்ளது. குறிப்பாக பள்ளி, கல்லூரி மாணவர்களின் எதிர் காலத்தை வீணாக்குவதாகப் புகார்கள் வருகின்றன.

மாணவர்களின் எதிர்காலம் கருதி குட்கா, கஞ்சா போன்ற போதைப் பொருட்களை விற்பனை செய்யக்கூடாது. இதுகுறித்து காவல் துறையினர் கடைகளில் சோதனை செய்து குட்கா விற்பனை முழுவதையும் தடைய செய்ய உத்தரவிட்டுள்ளேன். மீறுபவர்கள் மீது கடும் நடவடிக்கை எடுக்கப்படும்' தகவல் வெளியிட்டுள்ளார்.

இதையும் படிங்க: கோவையில் ரூ.30 லட்சம் மதிப்பிலான குட்கா பறிமுதல்..