குளிர்காலம் தொடங்கிவிட்டதால் டெல்லியில் காற்றின் தரம் மிக மோசமாகப் பாதிக்கப்படுகிறது. வாகனங்களிலிருந்து வெளிவரும் புகை, தூசி ஆகியவற்றுடன் வேளாண் கழிவுகளை எரிப்பதால் வரும் புகையும் இணைந்துகொள்வதால் டெல்லியில் காற்று மாசு கட்டுக்கடங்காமல் அதிகரித்துவருகிறது.
இந்நிலையில், டெல்லியுள்ள ஜஹாங்கிர்புரியில் மிக அதிகமாக காற்றின் மாசு அளவு 420ஆக உள்ளது. இதனையடுத்து அபாயக்கட்டத்தை நெருங்கியுள்ள காற்று மாசு குறித்து பொதுமக்களிடம் விழிப்புணர்வை ஏற்படுத்தும் வண்ணம் மத்திய, மாநில அரசுகள் புதிய விதிகளை கொண்டுவருகின்றன.
அந்த வகையில், டெல்லியில் காற்று மாசு கட்டுப்பாட்டுக்குள் வைப்பதற்காக மத்திய அரசு ஆணையம் ஒன்றை நியமிக்க உள்ளது.
இந்த ஆணையம் அமைப்பதற்கு குடியரசு தலைவர் ஒப்பதல் அளித்துள்ள நிலையில், ஆணையத்தை அமைப்பதற்கான நடவடிக்கைகளை மத்திய அரசு எடுத்துவருகிறது.
காற்று மாசை ஏற்பாடுத்தும் நபர், நிறுவனங்கள் மீது காற்று மாசு தடுப்பு மற்றும் கட்டுப்பாடு சட்டம் 1981, சுற்றுச்சூழல் பாதுகாப்பு சட்டம் 1986கீழ் இந்த ஆணையம் நடவடிக்கை எடுக்கும். இதில் குற்றம் புரிந்தவருக்கும் ஓராண்டு முதல் ஐந்து ஆண்டுகள் வரை சிறைத்தண்டனையும், அபராதத் தொகை ஒரு கோடி ரூபாய் அல்லது அதற்கு மேல் விதிக்கப்படலாம் என மத்திய அரசு தெரிவித்துள்ளது.
இதையும் படிங்க...அபாய கட்டத்தை நெருங்கும் காற்று மாசு: டெல்லி அரசு எடுத்துள்ள அதிரடி திட்டம்!
