மத்திய பிரதேசம் மாநிலம் இந்தூரில் செயல்பட்டுவரும் தனியார் மருத்துவமனையில் கடந்த 11ஆம் தேதி பெண் ஒருவருக்கு குழந்தை பிறந்தது. பின்னர், அந்த பச்சிளம் குழந்தைக்கு மருத்துவர்கள் பரிசோதனை மேற்கொண்டதில், கரோனா வைரஸ் தொற்று இருப்பது கண்டறியப்பட்டுள்ளது.
இதையடுத்து, அக்குழந்தை தீவிர சிகிச்சைப் பிரிவில் சேர்க்கப்பட்டு மருத்துவ பரிசோதனை மேற்கொள்ளப்பட்டு வருவதாக மருத்துவர்கள் தெரிவித்துள்ளனர். இதனிடையே, மத்திய பிரதேசம் மாநிலத்தில் மிகவும் சிறிய வயதில் (பிறந்து 9 நாளே ஆன) இந்தக் குழந்தை கரோனாவால் பாதிக்கப்பட்டுள்ளதாக அம்மாநில அரசு அறிக்கை வெளியிட்டுள்ளது
