புதுச்சேரி அரியாங்குப்பம் டோல்கேட்டை பகுதியைச் சேர்ந்தவர் நாகராஜ்(36). இவர் ஆசாரி வேலை செய்துவருகிறார். இந்நிலையில் நோணாங்குப்பம் பகுதியில் உள்ள மிடில் பள்ளி அருகே நாகராஜை, லோகு என்பவர் கத்தியால் சரமாரியாக குத்திவிட்டு, அவரின் முகத்தை சிதைத்துவிட்டு தப்பி ஓடிவிட்டார்.
இதுகுறித்து தகவலறிந்து சம்பவ இடத்திற்கு விரைந்த அரியாங்குப்பம் போலீசார் சடலத்தைக் கைப்பற்றி, அரியாங்குப்பம் அரசு மருத்துவமனைக்கு பிரேத பரிசோதனைக்காக அனுப்பி வைத்தனர். மேலும் இதுதொடர்பாக காவல்துறையினர் விசாரணை நடத்திவருகின்றனர். இச்சம்பவம் அப்பகுதியில் பரபரப்பை ஏற்படுத்தியுள்ளது.
