கரோனாவிலிருந்து மீண்டவர்களுக்கு ஆரோக்கியத்திற்கான வழிக்காட்டுதல் நெறிமுறை

டெல்லி: முலேதி பவுடர், அஸ்வகந்தா மற்றும் அம்லா பழங்களை சியாவன்ப்ராஷ், மஞ்சள் பால் மற்றும் நோய் எதிர்ப்பு சக்தி ஆயுஷ் மருந்துகள் ஆகியவை கரோனாவிலிருந்து மீண்டவர்கள் எடுத்துக்கொண்டால் உடலநலத்திற்கு ஆரோக்கியம் அளிக்கும் என்று நம்பப்படுவதாக மத்திய சுகாதாரத் துறை அலுவலர்கள் தெரிவித்துள்ளனர்.

நாடு முழுவதும் கரோனாவால் பாதிக்கப்பட்டவர்களின் எண்ணிக்கை ஒருபக்கம் அதிதீவிரம் அடைந்துவந்தாலும், தொற்றினால் பாதிக்கப்பட்டு சிகிச்சைப் பெற்று வருபவர்களின் மீட்பு விகிதம் 77.88 விழுக்காடாக உள்ளது.

இந்தியாவில் கடந்த 24 மணி நேரத்தில் சுமார் 78 ஆயிரத்து 399 நோயாளிகள் குணமடைந்துள்ளனர். இதன்மூலம், கரோனாவால் பாதிக்கப்பட்டு மீண்டவர்களின் எண்ணிக்கை 37 லட்சத்து இரண்டாயிரத்து 595 ஆக அதிகரித்துள்ளது என்று மத்திய சுகாதார அமைச்சகம் தெரிவித்துள்ளது.

இந்நிலையில், கரோனாவிலிருந்து மீண்டவர்களுக்கான மேலாண்மை நெறிமுறைகள் மற்றும் வழிகாட்டுதல்களை மத்திய சுகாதார அமைச்சகம் பரிந்துரைத்துள்ளது. கரோனா தொற்று நோயினால் கடுமையாக பாதிக்கப்பட்டு மீண்ட நோயாளிகள் சோர்வு, உடல் வலி, இருமல், தொண்டை புண் மற்றும் சுவாசிப்பதில் சிரமம் உள்ளிட்ட பல்வேறு அறிகுறிகளையும் தொடர்ந்து காணலாம் என்று தெரிவிக்கப்பட்டுள்ளது.

இதுதொடர்பாக, கரோனாவிற்கு பிந்தைய நல்வாழ்வுக்கான ஒரு முழுமையான அணுகுமுறையை மத்திய அரசு தயாரித்துள்ளது. கரோனாவால் பாதிக்கப்பட்டு பூர்ண குணமடைந்தபோதிலும், முகமூடி, கை மற்றும் சுவாச சுகாதாரம், தகுந்த இடைவேளி ஆகியவற்றை கடைப்பிடித்தல் வேண்டும்.

போதுமான அளவு வெதுவெதுப்பான நீரைக் குடிக்க வேண்டும், ஆயுஷின் தகுதிவாய்ந்த பயிற்சியாளரின் பரிந்துரைப்படி நோய் எதிர்ப்பு சக்தியை எடுத்துக் கொள்ளுங்கள். உடல்நலம் அனுமதித்தால், வழக்கமான வீட்டு வேலைகள் செய்யலாம்.

ஆயுஷ் மருந்துகள், நோய் எதிர்ப்பு சக்தி, சியவன்பிரஷ், ஆயுஷ் குவாத், மஞ்சள் பால், சம்ஷாமணி வதி, கிலாய் பவுடர், அஸ்வகந்தா, அம்லா பழம், ஆகியவற்றை உட்கொள்வது முலேதி தூள் மஞ்சள் மற்றும் உப்பு ஆகியவற்றைக் கொண்டு வாய் கொப்பளிப்பது கரோனாவிற்கு பிந்தைய காலத்தில் பயனுள்ளதாக இருக்கும் என்று நம்பப்படுகிறது.

விரைவில் ஜீரணிக்கக்கூடிய உணவை எடுத்துக்கொள்வது நல்லது. கரோனாவில் இருந்து மீண்ட நோயாளிகள் போதுமான அளவிற்கு ஓய்வு எடுப்பது அவசியம். மேலும், புகைபிடித்தல் மற்றும் மது அருந்துவதைத் தவிர்க்க வேண்டும்.

மருத்துவ ரீதியாக அறிவுறுத்தப்பட்டால், கரோனாவிலிருந்து மீண்ட ஒருவர் வெப்பநிலை, ரத்த அழுத்தம், ரத்த சர்க்கரை (குறிப்பாக, நீரிழிவு நோயாளியாக இருந்தால்), ஆக்சிமெட்ரி போன்றவற்றைக்கொண்டு வீட்டில் சுய சுகாதார கண்காணிப்பை செய்யலாம்.

தொடர்ந்து வறட்டு இருமல் / தொண்டை வலி இருந்தால், உமிழ்நீரைச் சேகரித்து முழுங்கலாம். இருமல் மருந்துகள், மருத்துவர் அல்லது ஆயுஷின் தகுதிவாய்ந்த பயிற்சியாளரின் ஆலோசனையின் பேரில் எடுக்கப்பட வேண்டும். அதிகக்காய்ச்சல், மூச்சுத் திணறல், விவரிக்கப்படாத மார்பு வலி, ஆகிய எச்சரிக்கை அறிகுறிகளை உடனடியாக மருத்துவம் மேற்கொள்ளவேண்டும்.

நாடு முழுவதும் கரோனாவால் பாதிக்கப்பட்டவர்களிள் எண்ணிக்கை 47 லட்சத்தை தாண்டியுள்ளது. மேலும், 78 ஆயிரத்து 586 உயிரிழப்புகள் ஏற்பட்டுள்ளதாக சுகாதார அமைச்சகம் தெரிவித்துள்ளது.