உத்தரப் பிரதேச மாநிலம் சாகேரி நகரைச் சேர்ந்தவர் 14 வயது சிறுமி. இவரை கடந்த இரண்டு நாள்களுக்கு முன்னர் அடையாளம் தெரியாத நபர்கள் கடத்திச் சென்றனர். இதையடுத்து, அவரது பெற்றோர் இது குறித்து காவல் நிலையத்தில் புகார் செய்தனர்.
பின்னர், சிறுமியைத் தேடும் வேட்டையில் காவல் துறையினர் ஈடுபட்டிருந்தனர். இந்நிலையில், கடத்திச் செல்லப்பட்ட சிறுமி, கடத்தல் காரர்கள் பிடியிலிருந்து தப்பி தனது வீட்டிற்கு வந்துள்ளார். தனது பெற்றோரைக் கண்ட அச்சிறுமி தன்னை இரண்டு நாள்களாக வெவ்வேறு இடங்களில் வைத்து பாலியல் வன்புணர்வு செய்ததாக கூறியுள்ளார்.
இது குறித்து பெற்றோர் காவல் துறையினருக்குத் தகவல் தெரிவித்ததையடுத்து சம்பவ இடத்திற்கு வந்த காவல் துறையினர் சிறுமியிடம் விசாரணை நடத்தினர். இதையடுத்து, சிறுமியைக் கடத்திச் சென்ற ராகுல் சோன்கர், மிதுன் சோன்கர் ஆகிய இருவரை போக்சோ சட்டத்தின் கீழ் கைதுசெய்தனர். மேலும், இச்சம்பவத்தில் தொடர்புடைய இரண்டு பேரை காவல் துறையினர் தீவிரமாகத் தேடிவருகின்றனர்.
இதையும் படிங்க: உ.பி.யில் பட்டியலின சிறுமி கூட்டுப் பாலியல் வன்புணர்வு!
