சுற்றுச்சூழலுக்கு கேடுவிளைவிக்கும் பிளாஸ்டிக் பொருட்களுக்கு கடந்த ஆகஸ்ட் மாதம் 1ஆம் தேதி முதல் புதுச்சேரி அரசு தடை விதித்தது. புதுச்சேரி முழுவதும் இந்த தடை உத்தரவு அமல்படுத்தப்பட்டுள்ள நிலையில் அவ்வப்போது, சுற்றுச்சூழல் துறை சார்பில் பல்வேறு பகுதிகளில் பிளாஸ்டிக் உபயோகம் குறித்து அரசு அலுவலர்கள் ஆய்வு மேற்கொண்டு வருகின்றனர்.
இந்நிலையில், புதுச்சேரி ரங்கப் பிள்ளை வீதியில் உள்ள கடைகளில் சமூக நலத்துறை அமைச்சர் கந்தசாமி தலைமையில் அலுவலர்கள் இன்று திடீர் ஆய்வு மேற்கொண்டனர்.
அப்போது, அப்பகுதியில் மொத்தம் ஐந்து கடைகளில் தடையை மீறி பிளாஸ்டிக் பைகள் விற்பனை செய்வது தெரியவந்தது. இதனைத்தொடர்ந்து புதுச்சேரி நகராட்சி துறை சார்பில் அந்தக்கடைகளுக்கு தலா பத்தாயிரம் ரூபாய் அபராதம் விதிக்கப்பட்டு பிளாஸ்டிக் பைகள் பறிமுதல் செய்யப்பட்டன.
இதையும் படிங்க: விமானம் மூலம் கடத்த முயன்ற ரூ. 28.6 லட்சம் மதிப்புள்ள தங்கம் பறிமுதல்!
