N-95, அறுவை சிகிச்சை முகக் கவசங்களைத் தவிர மற்ற முகக் கவசங்களை ஏற்றுமதி செய்யலாம்- மத்திய அரசு

டெல்லி: கரோனா வைரஸ் பாதிப்பால் மருத்துவ சம்பத்தப்பட்ட பொருள்களை ஏற்றுமதி செய்ய மத்திய அரசு தடை விதித்திருந்த நிலையில், N-95, அறுவை சிகிச்சை முகக் கவசங்களைத் தவிர மற்ற மருத்துவ பொருள்களை ஏற்றுமதி செய்யலாம் என மத்திய அரசு தெரிவித்துள்ளது.

கரோனா நோய் தொற்றை தடுக்க முக்கியமான அறிவுரையாக கிருமி நாசினி கொண்டு கைகளை தூய்மை செய்ய வேண்டும் என்பது அவசியம் என மருத்துவர்கள் கூறுகின்றனர். இதனால், பொதுமக்களின் பயன்பாட்டில் முக்கியமான ஒன்றாக சானிடைசர், மாஸ்க் போன்றவை உள்ளன. மேலும், கரோனா பரவல் அதிகரித்துள்ளதால் சானிடைசர், மாஸ்க் ஆகியவை அத்தியாவசிய தேவையாக மாறிவிட்டன.

இந்நிலையில், மருத்துவ சம்பந்தப்பட்ட பொருள்களை ஏற்றுமதி செய்ய மத்திய அரசு தடைவித்திருந்தது. பொருளாதார நெருக்கடி காரணமாகவும், உற்பத்தி அதிகரித்துள்ளதாலும் மருத்துவ பொருள்களை ஏற்றுமதி செய்ய மத்திய அரசு அனுமதி வழங்கியுள்ளது.

இருப்பினும், மற்ற அனைத்து வகையான முகக் கவசங்களான N -95, அறுவை சிகிச்சை முகக் கவசங்கள் ஆகியவற்றின் ஏற்றுமதி தடைசெய்யப்பட்டுள்ளது.

இதையும் படிங்க: ‘தனியார் பங்களிப்பின் மூலம் இஸ்ரோவில் வேலைவாய்ப்புகள் உருவாகும்’ - மயில்சாமி அண்ணாதுரை