புதுச்சேரி லாஸ்பேட்டை பகுதியைச் சேர்ந்தவர் சோழன். இவர் புதுச்சேரி மாநில பாஜக வர்த்தக அணி தலைவராக இருந்தவர். லாஸ்பேட்டை காவல் நிலையத்தில் டாப் டென் ரவுடிகள் பட்டியலிலும் சோழன் உள்ளார்.
இந்நிலையில், தற்போது கொலை வழக்கு ஒன்றில் விசாரணைக்காக காலாபட்டு சிறையிலிருந்து சோழன், புதுச்சேரி நீதிமன்றத்திற்கு அழைத்து வரப்பட்டார். அப்போது கண்ணில் கூலிங் கிளாஸ், காலில் ஷீ ஆகியவற்றை அணிந்துகொண்டு சினிமா பட ஹீரோ போன்று நீதிமன்றத்தில் இருந்த தனது ஆதரவாளர்களைப் பார்த்து கையெடுத்து கும்பிட்டபடி நடந்து வந்தார்.
இதனை அவரது ஆதரவாளர் ஒருவர் வீடியோ எடுத்து ரஜினி நடித்துள்ள தர்பார் படத்தின் பாடலை ஒப்பிட்டு டிக்டாக்கில் பதிவேற்றம் செய்துள்ளார். தற்போது அந்த வீடியோ சமூக வலைதளங்களில் வைரலாக பரவிவருகிறது.
இதையும் படிங்க: ‘வேண்டாம் CAA - NRC’ - கருணாநிதி, ஸ்டாலின் வீடுகளில் கோலப் போராட்டம்!