கனிமொழி போன்று நானும் அவமானங்களை சந்தித்திருக்கிறேன் - ப. சிதம்பரம் கருத்து

டெல்லி செல்வதற்காக சென்னை விமான நிலையம் வந்த திமுக எம்பி கனிமொழியை, "நீங்கள் இந்தியனா?" என அங்கு பணியிலிருந்த மத்திய தொழில் பாதுகாப்புப் படை (சிஐஎஸ்எஃப்) பெண் காவலர் கேட்ட நிகழ்வு சர்ச்சையைக் கிளப்பியுள்ளது. அந்தவகையில் தானும் இதே போன்ற அவமானங்களை சந்தித்திருப்பதாக முன்னாள் மத்திய அமைச்சர் ப. சிதம்பரம் கருத்து தெரிவித்துள்ளார்.

டெல்லி: கனிமொழி போன்று நானும் விமான நிலைய பாதுகாப்பு அலுவலர்களால் அவமானங்களை சந்தித்திருக்கிறேன் என்று காங்கிரஸ் கட்சியின் மூத்த தலைவர் ப. சிதம்பரம் தெரிவித்துள்ளார்.

திமுக மக்களவை உறுப்பினர் கனிமொழிக்கு நிகழ்த்தப்பட்ட மரியாதை குறைபாடு பிரச்னை ஒன்றும் சென்னை விமான நிலையத்துக்கு புதிதல்ல. நானும் இதுபோன்று பல நேரங்களில் இந்தி மொழி காரணமாக மரியாதை குறைச்சலாக நடத்தப்பட்டுள்ளேன் என்று கூறியுள்ளார்.

மேலும், மத்திய அரசு ஆங்கிலத்தையும், இந்தி மொழியையும் அதிகாரப்பூர்வ தேசிய மொழிகளாக அறிவித்தால், மத்திய அரசின் கீழ் பணியாற்றும் ஊழியர்கள் ‘இந்தி மொழி தெரியாதா? நீங்கள் இந்தியனா?’ என்பது போன்ற கேள்விகளை முன்வைப்பது ஏற்றுகொள்ளப்படும்.

மத்திய அரசு பதவிகளில் இந்தி அல்லாத மொழி பேசும் ஊழியர்கள் விரைவாக செயல்பட்டு இந்தி மொழியைக் கற்கும்போது, இப்பதவிகளுக்கு வரும் இந்தி மொழி பேசும் நபர்கள் ஆங்கிலம் கற்க முடியாமல் திணறுகிறார்களே, ஏன்? என்று சிதம்பரம் கேள்வியெழுப்பியிருக்கிறார்.

• I have experienced similar taunts from government officers and ordinary citizens who insisted that I speak in Hindi during telephone conversations and sometimes face to face

  — P. Chidambaram (@PChidambaram_IN) August 10, 2020 " class="align-text-top noRightClick twitterSection" data="

  I have experienced similar taunts from government officers and ordinary citizens who insisted that I speak in Hindi during telephone conversations and sometimes face to face

  — P. Chidambaram (@PChidambaram_IN) August 10, 2020

  ">

  I have experienced similar taunts from government officers and ordinary citizens who insisted that I speak in Hindi during telephone conversations and sometimes face to face

  — P. Chidambaram (@PChidambaram_IN) August 10, 2020

"கனிமொழி ஒரு மக்களவை உறுப்பினர் என்பதால், அதற்குரிய வழிமுறைகளின்படி அவருக்கு விமான நிலையத்தில் தரப்பட்டிருக்க வேண்டிய முன்னுரிமை அல்லது முக்கியத்துவத்தில் ஏதேனும் குறைபாடு எழுந்ததா என்பது குறித்தும் விசாரிக்க உத்தரவிட்டுள்ளோம்" என்று விமான நிலைய பாதுகாப்பு பொறுப்பு உயர் அலுவலர் தெரிவித்தது குறிப்பிடத்தக்கது.