மத்திய சுகாதார மற்றும் குடும்ப நல அமைச்சகத்தின் இணைச் செயலாளர் லாவ் அகர்வால் தலைமையில் தேசிய நோய் கட்டுப்பாட்டு மையத்தின் இயக்குநர் டாக்டர் எஸ்.கே. சிங், டெல்லி எய்ம்ஸ் மருத்துவக் கல்லூரி துணைப் பேராசிரியர் டாக்டர் நீரஜ் நிஷ்சால் ஆகியோர் அடங்கிய மூன்று பேர் கொண்ட குழு இரண்டு நாள்கள் (ஜூலை 19, 20) பிகார் தலைநகர் பாட்னா, கயாவில் சுகாதார முறைகள் குறித்து ஆய்வு செய்தனர்.
இதில் கரோனா வைரஸ் தொற்று பரவாமல் இருக்க மாநில அரசு எடுத்த நடவடிக்கைகளை ஆய்வு செய்த மத்திய குழு, பின்னர் மாநில சுகாதார துறைக்கு சில அறிவுரைகளை அறிவுறுத்திள்ளது.
பின்னர், “பிகாரில் தற்போதை சுகாதார நிலையை பார்க்கும் போது, மாநிலத்தில் வரும் நாள்களில் கரோனா பாதிப்பு கூடும். அதனால் மாநிலத்தில் கரோனா பரிசோதனையை அதிகரிக்க வேண்டும். அதுமட்டுமின்றி கரோனா பாதித்தவர்களை சார்ந்தவர்களை உடனடியாக கண்டறிந்து பரிசோதனைகளை தீவிரப்படுத்தவும் வேண்டும்” எனக் குறிப்பிட்டுள்ளது.
மேலும், அனுராக் நாராயணா மஹத் மருத்துவக் கல்லூரி மற்றும் மருத்துவமனை, நலந்தா மருத்துவக் கல்லூரி மற்றும் மருத்துவமனை உள்ளிட்ட மருத்துவமனைகளை பார்வையிட்ட மத்தியக் குழுவினர், மாநில சுகாதாரத் துறை அலுவலர்களுடனும் கலந்துரையாடினர்.
அனுராக் நாராயணா மஹத் மருத்துவக் கல்லூரி மற்றும் மருத்துவமனை தலைமை மருத்துவர் ஹரிஷ் சந்திர ஹரி கூறுகையில், “மத்தியக் குழு பல்வேறு துறைகள், இடங்களை ஆய்வு செய்தது. அதில் நோயாளிகளுக்கு வழங்கப்படும் சிகிச்சை, மருத்துவ வசதிகள் உள்ளிட்டவை குறிந்து கேட்டறிந்தது. மேலும் அது குறித்து பல வலிமுறைகளையும் வழங்கியது” என்றார்.
இது குறித்து மாநில சுகாதாரத் துறை அமைச்சர் மங்கல் பாண்டே கூறுகையில், கரோனா வைரஸ் தொற்று பரவலை எதிர்த்து போராடுவதில் மாநில அரசு எடுத்துள்ள நடவடிக்கைகளை பாராட்டினர்” என்றார்
இதற்கிடையில், பிகார் நகரைச் சேர்ந்த மத்திய சுகாதார மற்றும் குடும்ப நலத்துறை அமைச்சர் அஸ்வினி குமார் ஷாப் கூறுகையில், “மத்தியக் குழு பரிந்துரையின் படி கரோனாவை எதிர்த்து போராடும் மாநிலத்திற்கு அனைத்து உதவிகளையும் மத்திய அரசு செய்ய தயார்” என்றார்.
இதையும் படிங்க....ராஜஸ்தானில் சிபிஐ விசாரணை நடந்த மாநில அரசின் அனுமதி தேவை!
