சத்தீஸ்கர் மாநிலத்தில் நக்சல்கள் தாக்குதல் நடத்துவது தொடர் கதையாகி வருகிறது. இந்நிலையில், பசகுடா காவல் நிலையத்திற்குட்பட்ட பகுதியில் நக்சல்கள் வெடிகுண்டு தாக்குதல் நடத்தினர்.
இந்தத் தாக்குதலில் மத்திய ரிசர்வ் பாதுகாப்புப் படையைச் சேர்ந்த ஒருவர் படுகாயமடைந்தார்.
இதுகுறித்துக் காவல் ஆய்வாளர் சுந்தர் ராஜ், 'காயமடைந்த பாதுகாப்பு வீரர் மருத்துவமனையில் அனுமதிக்கப்பட்டுள்ளார். வெடிகுண்டு தாக்குதல் நடத்திய பகுதியை காவல் துறையினர் தங்களது கட்டுப்பாட்டுக்குள் கொண்டு வந்துள்ளனர்' என்றார்.
மத்திய ரிசர்வ் பாதுகாப்பு படையினர் ரோந்து பணியில் ஈடுபட்டிருந்த போது இந்த தாக்குதல் நடைபெற்றதாகக் கூறப்படுகிறது.
இதையும் படிங்க: '23 பேர் மரணம்... 1200 பேர் மீது வழக்குப்பதிவு... பல வருட தொடர் விசாரணை' - வியாபம் ஊழலில் 31 பேர் குற்றவாளிகள் என தீர்ப்பு!
