ஹைதராபாத்: பர்ரஸ் ஃபிரடெரிக் ஸ்கின்னர் (பி.எஃப். ஸ்கின்னர்) ஒரு அமெரிக்க உளவியலாளர், நடத்தை நிபுணர், எழுத்தாளர், கண்டுபிடிப்பாளர் மற்றும் சமூக தத்துவவாதியாகவும் அறியப்படுகிறார்.
இவர், 1904ஆம் ஆண்டு மார்ச் 20ஆம் தேதி பென்சில்வேனியாவின் சுஸ்கெஹன்னா என்ற பகுதியில் பிறந்தார். அவரது தந்தை வழக்குரைஞர், தாயார் இல்லத்தரசி ஆவார்.
இளம் வயதிலே புத்திசாலியாக திகழ்ந்த பிஎஃப் ஸ்கின்னர் நியூயார்க்கில் உள்ள ஹாமில்டன் கல்லூரியில் ஆங்கிலத்தில் பி.ஏ. பட்டம் பெற்றார். அவர் ஒரு எழுத்தாளராக இருக்க விரும்பினார்.
அதனால், கவிதை மற்றும் சிறுகதைகளை எழுதினார். மேலும் பெற்றோரின் கவனத்தை பெறும்வகையில் ஆய்வகம் ஒன்றையும் உருவாக்கினார். ஆனாலும் அது பெரிய அளவில் கவனம் பெறவில்லை.
எனினும் தொழிலாளர் பிரச்னைகள் குறித்து செய்தித்தாள்களில் தொடர்ந்து கட்டுரைகள் எழுதினார். இந்நிலையில், 1930 ஆம் ஆண்டில் உளவியலில் முதுகலைப் பட்டமும், 1931 இல் முனைவர் பட்டமும் பெற்றார்.
1945 இல், அவர் இந்தியானா பல்கலைக்கழகத்தில் உளவியல் துறையின் தலைவரானார். 1948 ஆம் ஆண்டில், ஹார்வர்டுக்கு வருமாறு அவர் அழைக்கப்பட்டார், அங்கு அவர் தனது வாழ்நாள் முழுவதும் இருந்தார்.
அவர் மிகவும் சுறுசுறுப்பான மனிதராக இருந்தார். தனது ஆராய்ச்சி மூலம் நூற்றுக்கணக்கான முனைவர் பட்டதாரிகளுக்கு வழிகாட்டினார்.
அத்துடன் பல புத்தகங்களை எழுதினார். புனைகதை மற்றும் கவிதை எழுத்தாளராக வெற்றிபெறவில்லை என்றாலும், வால்டன் II புத்தகம் உள்பட சிறந்த உளவியல் எழுத்தாளர்களில் ஒருவரானார்.
20ஆம் நூற்றாண்டில் சிறந்த உளவியலாளரான இவர் 1990ஆம் ஆண்டு ஆகஸ்ட் 18ஆம் தேதி மறைந்தார் என்பது நினைவு கூரத்தக்கது.
இதையும் படிங்க: இறுதி செமஸ்டர் தேர்வுகளை நடத்தும் யுஜிசி முடிவுக்கு கல்வித்துறை அமைச்சர் ஆதரவு
