நாடாளுமன்றத்தின் மழைக்காலக் கூட்டத்தொடர் இன்று(செப்.14) தொடங்கி, அக். ஒன்றாம் தேதி வரை நடக்கவுள்ளது. 18 நாள்கள் நடக்கவுள்ள இந்தக் கூட்டத்தொடரில் 47 பொருள்களில் விவாதிக்க முடிவு செய்யப்பட்டுள்ளது.
18 நாள்களில் 18 அமர்வுகள் நடக்கவுள்ளன. அதில் 45 மசோதாக்கள், நிதி தொடர்பான 2 விஷயங்கள் உள்பட 47 பொருள்கள் பற்றி விவாதிக்க முடிவெடுக்கப்பட்டுள்ளதாக நாடாளுமன்ற விவகாரத் துறை சார்பாக தெரிவிக்கப்பட்டுள்ளது.
அவசர சட்டத்திற்கு மாற்றாக 11 மசோதாக்கள்:
ஹோமியோபதி மத்திய கவுன்சில் திருத்த மசோதா 2020, இந்திய மருத்துவ மத்திய கவுன்சில் திருத்த மசோதா 2020, அத்தியாவசிய பொருள்கள் திருத்த மசோதா 2020, திவால்நிலை (இரண்டாவது) திருத்த மசோதா 2020, வங்கிகள் ஒழுங்குமுறை திருத்த மசோதா 2020, வரிவிதிப்பு மற்றும் பிற சட்டங்கள் (சில ஏற்பாடுகளை தளர்த்துவது) மசோதா 2020, தொற்றுநோய்கள் திருத்த மசோதா 2020, அமைச்சர்களின் சம்பளம் மற்றும் கொடுப்பனவுகள் திருத்த மசோதா 2020, நாடாளுமன்ற உறுப்பினர்களின் சம்பளம், கொடுப்பனவுகள் மற்றும் ஓய்வூதியம் திருத்த மசோதா 2020, உழவர் உற்பத்தி மற்றும் வர்த்தகம் (ஊக்குவிப்பு மற்றும் வசதி) மசோதா 2020, விலைகள் உத்தரவாதம் மற்றும் பண்ணை சேவைகள் மசோதா 2020 ஆகிய 11 மசோதாக்கள் மழைக்காலக் கூட்டத்தொடரின் போது நிறைவேற்றப்பட உள்ளன.
நாடாளுமன்றத்தில் விவாதிக்கப்பட வேண்டிய சட்டங்கள்:
இந்த மழைக்காலக் கூட்டத்தொடரில் நாடாளுமன்றத்தில் விவாதிக்கப்பட்டு, நிறைவேற்றப்பட வேண்டிய மசோதாக்கள் என பூச்சிக்கொலை மேலாண்மை மசோதா 2020, இந்திய மருத்துவ முறைமைக்கான தேசிய ஆணைய மசோதா 2020, 2019ஆம் ஆண்டு மாநிலங்களவையில் நிறைவேற்றப்பட்டது, ஹோமியோபதி தேசிய ஆணைய மசோதா 2020, 2019ஆம் ஆண்டு மாநிலங்களவையில் நிறைவேற்றப்பட்டது, ஆயுர்வேதவின் கற்பித்தல் மற்றும் ஆராய்ச்சி மசோதா 2020, இந்த ஆண்டு (2020) மக்களவையில் நிறைவேற்றப்பட்டது, விமான திருத்த மசோதா, 2020இல் மக்களவையில் நிறைவேற்றப்பட்டது, நிறுவனங்கள் திருத்த மசோதா ஆகியவை குறிப்பிடப்பட்டுள்ளது.
அறிமுகப்படுத்தப்பட உள்ள புதிய மசோதாக்கள்:
ஒழுங்குமுறை மசோதா, 2020இல் மக்களவையில் நிறைவேற்றப்பட்டது, ராஷ்டிரிய ரக்ஷா பல்கலைக்கழக மசோதா 2020, தேசிய தடய அறிவியல் பல்கலைக்கழக மசோதா 2020, இந்திய தகவல் தொழில்நுட்ப சட்டங்களுக்கான திருத்த மசோதா, 2020இல் மக்களவையில் நிறைவேற்றப்பட்டது.
மாநிலங்களுக்கு இடையிலான நதி நீர் திருத்த மசோதா 2019இல் மக்களவையில் நிறைவேறியது, அணை பாதுகாப்பு மசோதா, 2019 மக்களவையில் நிறைவேறியது, முக்கிய துறைமுக அலுவலர்கள் மசோதா 2020, சமூக பாதுகாப்பு மற்றும் நலன்புரி குறித்த குறியீடு 2019, தொழில் பாதுகாப்பு, சுகாதாரம் மற்றும் பணி நிலைமைகள் குறியீடு 2019 மற்றும் தொழில்துறை உறவுகள் குறியீடு மசோதா 2019.
திரும்பப் பெறவுள்ள சில மசோதாக்கள்:
வெளிநாட்டு பங்களிப்பு ஒழுங்குமுறை திருத்த மசோதா 2020, மக்கள் பிரதிநிதித்துவம் திருத்த மசோதா 2020, மலம் அள்ளுபவர்களுக்கான வேலைவாய்ப்புகள் தடை மற்றும் அவர்களுக்கான மறுவாழ்வு திருத்த மசோதா 2020, சிறார் நீதி (பாதுகாப்பு மற்றும் குழந்தைகள் நலன்) திருத்த மசோதா 2020, பல மாநில கூட்டுறவு சங்கங்கள் திருத்த மசோதா 2020 மற்றும் ஜம்மு-காஷ்மீர் அதிகாரப்பூர்வ மொழி மசோதா 2020.
சுரங்கங்கள் திருத்த மசோதா, 2011, புலம்பெயர்ந்த தொழிலாளர்கள் (வேலைவாய்ப்பு மற்றும் சேவை நிபந்தனைகளை ஒழுங்குபடுத்துதல்) திருத்த மசோதா 2011, கட்டிடம் மற்றும் பிற கட்டுமானத் தொழிலாளர்கள் தொடர்பான சட்டங்கள் திருத்த மசோதா 2013, மற்றும் வேலைவாய்ப்பு பரிமாற்றங்கள் (காலி பணியிடங்களின் கட்டாய அறிவிப்பு) திருத்த மசோதா 2013.
பாதுகாப்பு நடவடிக்கைகள்:
கரோனா வைரஸ் பாதுகாப்பு நெறிமுறைகளைக் கடைப்பிடிக்கும் வகையில், ஒவ்வொரு அவையும் ஒரு நாளில் 4 மணி நேரங்கள் மட்டுமே நடத்தப்படவுள்ளது. அதில் மாநிலங்களவை காலை 9 மணி முதல் 1 மணி வரை நடக்கும் எனவும், மக்களவை பிற்பகல் 3 மணி முதல் இரவு 7 மணி வரை நடக்கும் என தெரிவிக்கப்பட்டுள்ளது.
தனிமனித இடைவெளியைக் கடைப்பிடிக்கும் வகையில் நாடாளுமன்ற உறுப்பினர்களுக்கான நாற்காலிகள் மாற்றயமைக்கப்பட்டுள்ளது. நாடாளுமன்ற உறுப்பினர்களின் வருகையைப் பதிவு செய்ய பிரத்யேக செயலி அறிமுகப்படுத்தப்பட்டுள்ளது.
இதையும் படிங்க: கரோனா பரிசோதனை மேற்கொண்ட துணை குடியரசுத் தலைவர்
