ஸ்ரீநகர்: பிரதமர் சிறப்பு உதவித் திட்டம் மூலம் ஜம்மூ-காஷ்மீர் மாணவர்களுக்கும், லடாக் ஒன்றிய பிரதேச மாணவர்களுக்கும் கல்வியுதவித் தொகை வழங்கப்படுகிறது.
ஜம்மு-காஷ்மீர் மற்றும் லடாக் மாணவர்களுக்கான பிரதமரின் சிறப்பு உதவித் தொகைத் திட்டம் குறித்து டெல்லி ஏ.ஐ.சி.டி.இ.யின் தலைவருடன், உயர்கல்வி ஆணையர் மற்றும் செயலாளர் தலாத் பர்வேஸின் ஆகியோர் சந்தித்துப் பேசினர். அப்போது ஜம்மு-காஷ்மீர் மக்கள் தொடர்புத் துறை வெளியிட்ட அறிக்கையை கல்லூரி இயக்குநர்கள், பள்ளிக் கல்வி இயக்குநர்கள், உயர் அலுவலர்கள் ஆகியோர் கருத்தில்கொள்ள வேண்டும் என்று அறிவுறுத்தப்பட்டது.
பாரா மருத்துவம், ஹோட்டல் மேலாண்மைப் பட்டப்படிப்புக்கு ஜம்மு-காஷ்மீர் மாணவர்களுக்குக் கூடுதல் இடங்கள் ஒதுக்கப்படும் என்றும், பிரதமரின் சிறப்பு உதவித் தொகைத் திட்டத்தின் (பி.எம்.எஸ்.எஸ்.எஸ்.) கீழ் இஸ்ரோவில் விண்வெளி, அறிவியல் மற்றும் தொழில்நுட்ப பட்டப்படிப்புகளுக்கு ஆறு இடங்களும் வழங்கப்படும் என்று அந்த அறிக்கையில் தெரிவிக்கப்பட்டுள்ளது.
டெல்லி பல்கலைக்கழகத்தின் இணையதளத்தில் குவிந்த விண்ணப்பங்கள்!
இந்தத் திட்டத்தின் கீழ், ஜம்மு-காஷ்மீர், லடாக் ஒன்றிய பிரதேச மாணவர்களுக்குத் தகுதி அடிப்படையில் 5 ஆயிரம் பேருக்கு உதவித் தொகை வழங்கப்படுகிறது.
இத்திட்டத்தின் கீழ்,
- 2 ஆயிரத்து 70 பொது பட்டப்படிப்புகளில் 30 ஆயிரம் ரூபாய் உதவித் தொகையும், ஆண்டுக்கு 1 லட்சம் ரூபாய் மாணவர்களுக்குப் பராமரிப்புத் தொகை கிடைக்கும்
- 2 ஆயிரத்து 830 சிறப்பு பட்டப்படிப்புகளுக்கு 1.25 லட்ச ரூபாய் உதவித்தொகையாகவும், ஆண்டுக்கு 1 லட்சம் ரூபாய் மாணவர்களுக்கு பராமரிப்புத் தொகை கிடைக்கும்
- 100 மருத்துவத் துறை சார்ந்த பட்டப்படிப்புகளுக்கு, 3 லட்ச ரூபாயும், ஆண்டுக்கு 1 லட்சம் ரூபாய் மாணவர்களுக்கு பராமரிப்புத் தொகையும் கிடைக்கும்
