ஜம்மு காஷ்மீர் ஷோபியான் மாவட்டத்தில் உள்ள சகுன் பகுதியில் பயங்கரவாதிகள் சிலர் பதுங்கியிருப்பதாக பாதுகாப்பு படையினருக்கு நேற்று தகவல் கிடைத்தது. இதன் அடிப்படையில் நேற்று மாலை முதல் தேடுதல் வேட்டையில் ஈடுபட்ட பாதுகாப்பு படையினர் பயங்கரவாதிகள் பதுங்கியிருந்த இடத்தை கண்டறிந்தனர்.
தங்களிடம் சரணடையுமாறு பாதுகாப்பு படையினர் வலியுறுத்தியும் பயங்கரவாதிகள் மறுப்பு தெரிவித்தனர். இதனை அடுத்து பாதுகாப்பு படையினர் நடத்திய துப்பாக்கிச் சூட்டில் இரண்டு பயங்கரவாதிகள் சுட்டுக்கொல்லப்பட்டனர்.
இதனைத் தொடர்ந்து இன்று மேலும் ஒரு பயங்கரவாதி சுட்டுக் கொல்லப்பட்டார். இந்த தேடுதல் வேட்டையில் தற்போதுவரை மூன்று பயங்கரவாதிகள் சுட்டுக் கொல்லப்பட்டுள்ளதாக பாதுகாப்பு படையினர் தெரிவித்துள்ளனர்.
