துபாயில் இருந்து ஷம்ஷாபாத்தில் உள்ள ராஜீவ் காந்தி பன்னாட்டு விமான நிலையத்திற்கு பயணிகள் விமானம் ஒன்று வந்தது. இந்த விமானத்தில் தங்கம் கடத்தி வருவதாக சுங்கத்துறை அலுவலர்களுக்கு ரகசிய தகவல் கிடைத்தது. தகவலின் பேரில் சுங்கத்துறை அலுவலர்கள் பயணிகளிடம் சோதனை மேற்கொண்டனர்.
இதில் ஷேக் அப்துல் சஜித் என்ற பயணி வித்தியாசமாக நடந்து வருவதை பார்த்த அலுவலர்கள் அவரை, தனியறைக்கு அழைத்துச் சென்று சோதனை செய்தனர். அதில் ஷூ, சட்டையில் மறைத்து தங்கம் கடத்தி வந்தது தெரியவந்தது. இதை தொடர்ந்து அவரிடம் இருந்து 2.9 கிலோ எடைக் கொண்ட 26 தங்க கட்டிகளை பறிமுதல் செய்தனர். பறிமுதல் செய்யப்பட்ட தங்க கட்டிகளின் மதிப்பு ரூ.1.11கோடியாகும்.
மேலும் நாளுக்கு நாள் அதிகரித்து வரும் கடத்தல் செயல்களை தடுக்க விரைவில் நடவடிக்கை எடுக்கப்படும் என சுங்கத்துறை அலுவலர்கள் தெரிவித்துள்ளனர்.
.
