கொல்கத்தாவின் ஹவுரா மாவட்டத்தில் உள்ள உலுபீரியா பகுதியில் வசித்து வருபவர் தருண் பேரா. மீனவரான இவர், இன்று காலை வழக்கம்போல் தனது நண்பர்களுடன் கங்கை நதியில் மீன்பிடிக்க சென்றுள்ளார். மீன் பிடிக்க சென்ற சிறிது நேரத்தில், அவரது வலையில் மீன் ஒன்று சிக்கியுள்ளது.
பின்னர் வலையை இழுத்தபோது, அந்த மீன் கப்பலின் சக்கரத்தில் சிக்கியது. அதையடுத்து அந்த மீனை பேரா கைப்பற்றியுள்ளார். அந்த மீனின் எடை 18.5 கிலோ இருந்துள்ளது. அதையடுத்து பேரா தனது நண்பர்களுடன் மீனை விற்க, புலேஷ்வர் மார்கெட்டில் ஏலம் விட்டுள்ளார். அந்த ஏலத்தில் பெட்கி மீன் ரூ.12 ஆயிரத்திற்கு ஏலம் போனது.
இதுகுறித்து மீனை விற்றவர் பேசுகையில், கடல் உணவுகளில் பெட்கி மீனுக்கு தனி ருசி உள்ளது. இந்த மீன் ரூ.13 ஆயிரம் முதல் 14 ஆயிரம் வரை விற்க எண்ணியிருந்தேன் என்றார்.
இதையும் படிங்க: சிறுவர்களுக்கு மிட்டாய் கொடுத்து தன்பால் சேர்க்கையில் ஈடுபட்ட கடைக்காரர் கைது!
