மேற்குவங்கத்தில் சட்டப்பேரவைத் தேர்தல் எட்டு கட்டங்களாக நடைபெற்றுவருகிறது. மிகுந்த எதிர்பார்ப்புகளுக்கிடையே முதலமைச்சர் மம்தா பானர்ஜி போட்டியிடும் நந்திகிராமில் இன்று வாக்குப்பதிவு நடைபெற்றுவருகிறது. திருணமூல் காங்கிரஸ் கட்சியிலிருந்து விலகி பாஜகவில் இணைந்த சுவேந்து அதிகாரி அவரை எதிர்த்துக் களம் காண்கிறார்.
நான்கு மாவட்டங்களில் உள்ள 30 தொகுதிகளுக்கு 8,332 வாக்குச்சாவடிகளில் இன்று வாக்குப்பதிவு நடத்தப்பட்டுவருகிறது. தேசியக் கட்சிகள், மாநிலக் கட்சிகள் என மொத்தம் ஒன்பது கட்சிகளைச் சேர்ந்த 171 வேட்பாளர்கள் இன்று களத்தில் உள்ளனர்.
அதிகபட்சமாக பங்குரா தொகுதியில் 11 வேட்பாளர்களும் கேஷ்பூர், இந்துஸ் ஆகிய தொகுதிகளில் மூன்று வேட்பாளர்களும் போட்டியிடுகின்றனர்.
ஆறு தொகுதிகள் மூன்று அல்லது அதற்கு மேலாக போட்டியிடும் வேட்பாளர்களுக்கு எதிராகக் குற்ற வழக்குகள் நிலுவையில் உள்ளதால் அவை பதற்றமானதாகக் கண்டறிப்பட்டுள்ளது. இன்று நடைபெறும் இரண்டாம் கட்ட வாக்குப்பதிவில் மொத்தம் 19 பெண் வேட்பாளர்கள் களம் காண்கின்றனர்.
களத்தில் உள்ள 171 பேரில், 43 பேருக்கு எதிராகக் குற்ற வழக்குகள் நிலுவையில் உள்ளன. அதேபோல், 36 பேருக்கு எதிராகத் தீவிர குற்ற வழக்குகள் நிலுவையில் உள்ளன.
