இது குறித்து "மத்திய அமைச்சர் நிதின் கட்கரியின் முயற்சியால், ஜெனிடிக் லைஃப் சைன்சஸ், வர்தா நிறுவனம், மியூகோர்மைகோசிஸுக்கு சிகிச்சையளிப்பதற்காக ’ஆம்போடெரிசின் பி’ ஊசி மருந்துகளைத் தயாரித்துள்ளது. இதுவரை ஒரே ஒரு நிறுவனத்தால் மட்டுமே இந்த மருந்து தயாரிக்கப்பட்டு வந்தது" என்று அவரது அலுவலகம் சார்பில் ட்வீட் செய்யப்பட்டுள்ளது.
மேலும், மருந்துக் குப்பிகள் விநியோகம் திங்கள்கிழமை முதல் தலா 1,200 க்கு தொடங்கும் என்றும், தற்போது குப்பி ஒன்று 7,000 ரூபாய்க்கு விற்கப்படுவதாகவும் ட்வீட் செய்யப்பட்டுள்ளது.
நாட்டில் மியூகோர்மைகோசிஸை தொற்றுநோயாக அறிவித்துள்ள பதினொரு மாநிலங்களும் யூனியன் பிரதேசங்களும், பூஞ்சை எதிர்ப்பு மருந்தான ’ஆம்போடெரிசின்-பி’ மருந்துக்கு கடும் தட்டுப்பாடு நிலவுவதாக முன்னதாக அறிவித்தன.
டெல்லி, பிகார், ஹரியானா, குஜராத், ராஜஸ்தான், உத்தரப்பிரதேசம், மத்தியப் பிரதேசம், ஜார்கண்ட், தமிழ்நாடு, மகாராஷ்டிரா, தெலங்கானா மாநிலங்கள் இதுவரை மியூகோர்மைகோசிஸ் எனப்படும் கறுப்பு பூஞ்சை நோயை தொற்று நோயாக அறிவித்துள்ளன.
