அண்ணல் காந்தி நிறுவிய நவ்ஜீவன் அறக்கட்டளை!

இந்தி, குஜராத்தி மற்றும் பிற இந்தோ-ஆரிய மொழிகளில், நவ்ஜீவன் என்றால் புதிய வாழ்க்கை என்று பொருள். நவ்ஜீவன் அறக்கட்டளையின் நோக்கம், குடிமக்களை அறிவூட்டுவதும், 'சுயராஜ்யத்தை' அடைவதற்கான அமைதியான முறைகள் மூலம் அவர்களுக்கு கல்வி கற்பிப்பதும் ஆகும். இது, ஒரு புதிய வாழ்க்கையை கொடுக்கவும் குறிப்பாக காந்திய சித்தாந்தத்தை முன்னேற்றவும் வழிகோலுகிறது.

அகமதாபாத் : அண்ணல் காந்தியடிகள் 1919இல் நவ்ஜீவன் அறக்கட்டளையை தொடங்கினார். அன்று முதல் இன்று வரை இந்திய சுதந்திர இயக்கம் மற்றும் காந்தியக் கொள்கைகளைப் பற்றி அறிந்துகொள்ள ஆர்வமுள்ள அனைவருக்கும் இலக்கியம் மற்றும் இலட்சியங்களின் அறிவு இல்லமாக இந்த அறக்கட்டளை திகழ்கிறது.

18 மொழிகளில் 1,000க்கும் மேற்பட்ட புத்தகங்களை வெளியிட்டுள்ள இந்த அறக்கட்டளை பல தசாப்தங்களாக நாட்டின் வளர்ச்சிக்கு உதவிவருகிறது. 1919 ஆம் ஆண்டு செப்டம்பர் 7 ஆம் தேதி நவ்ஜீவன் வார இதழின் ஆசிரியராக காந்திஜி நியமிக்கப்பட்டபோது இந்த அறக்கட்டளையை அவர் நிறுவினார்.

தட்டச்சு இயந்திரம்

அகிம்சை, சுதந்திரம் மற்றும் வகுப்புவாத நல்லிணக்கம் போன்ற காந்திஜியின் கொள்கைகளை வாசகர்களிடையே பரப்புவதே இதன் முக்கிய நோக்கம்.

சர்தார் வல்லபாய் பட்டேல்

வார இதழின் புகழ் வளர்ந்ததும், அது பெரிய அச்சகத்திற்கு மாற்றப்பட்டது. இதனால் வார இதழை அச்சிட நவ்ஜீவன் முத்ரானாலயா நிறுவனம் பிப்ரவரி 11, 1922 இல் தொடங்கப்பட்டது.

நவ்ஜீவன் அச்சகம்

இதற்கிடையில், நவ்ஜீவன் அறக்கட்டளை 27 நவம்பர் 1929 இல் பதிவு செய்யப்பட்டது, சர்தார் வல்லபாய் பட்டேல் அதன் முதல் தலைவராக நியமிக்கப்பட்டார்.

இந்தி, குஜராத்தி மற்றும் பிற இந்தோ-ஆரிய மொழிகளில், நவ்ஜீவன் என்றால் புதிய வாழ்க்கை என்று பொருள். நவ்ஜீவன் அறக்கட்டளையின் நோக்கம், குடிமக்களை அறிவூட்டுவதும், 'சுயராஜ்யத்தை' அடைவதற்கான அமைதியான முறைகள் மூலம் அவர்களுக்கு கல்வி கற்பிப்பதும் ஆகும். ஒரு புதிய வாழ்க்கையை கொடுக்கவும் குறிப்பாக காந்திய சித்தாந்தத்தை முன்னேற்றவும் இது வழிகோலுகிறது.

நவ்ஜீவன், யங் இந்தியா வார இதழ்

1920இல் டெல்லியில் இருந்து வெளிவந்த செய்தித்தாள் 'தோழர்' மூடப்பட்டபோது, அதன் உரிமையாளர் மௌலானா முகமது அலி, அனைத்து அச்சகங்களையும் 'நவ்ஜீவன்' நிறுவனத்திற்கு வழங்கினார்.

காந்தியடிகள் நடத்திய யங் இந்தியா

ஆங்கிலேயர்களின் அடிமைத்தனத்தில் இருந்து இந்தியாவை விடுவிக்க காந்திஜி நடத்திய நவ்ஜீவன் மற்றும் யங் இந்தியா வார இதழ் இந்த இயந்திரத்தில்தான் அச்சிடப்பட்டது.

நவ்ஜீவன் அறக்கட்டளை அலுவலகம்

அந்நாளில் இருந்த பல இயந்திரங்கள் மற்றும் தட்டச்சு இயந்திரம் பொதுமக்கள் பார்வைக்காக நவ்ஜீவன் அறக்கட்டளையால் பாதுகாக்கப்பட்டுள்ளன. நவ்ஜீவன் அறக்கட்டளையின் மற்றொரு நோக்கம், பத்திரிகைகள் மற்றும் புத்தகங்களை வெளியிடுவதன் மூலம் மக்களின் மத, சமூக, பொருளாதார மற்றும் அரசியல் முன்னேற்றத்திற்கான காந்திஜியின் முன்முயற்சிகளை மேம்படுத்துவதாகும்.

ஆத்மநிர்பர்- சுயசார்பு இந்தியா

காந்திஜி 'ஆத்மநிர்பர்' என்னும் சுயசார்பு தன்னம்பிக்கை இந்தியா மீது நம்பிக்கை கொண்டிருந்தார். நவ்ஜீவன் அறக்கட்டளை 'ஆத்மநிர்பர்' பல்வேறு வெளியீடுகள் மூலம் இன்றும் தொடர்கிறது. மிக முக்கியமாக, அறக்கட்டளை இதுவரை எந்த மானியத்தையும் நன்கொடையையும் ஏற்கவில்லை.

இதையும் படிங்க : 75 Years of Independence: ஆங்கிலேயர்களை நிலைகுலையச் செய்த மாவீரன் உத்தம் சிங்!