ஸ்ரீநகர்: காஷ்மீரின் குல்காம் மாவட்டத்தில் உள்ள தேவ்சார் பகுதியில் பயங்கரவாதிகள் பதுங்கியிருப்பதாக பாதுகாப்புப் படையினருக்கு தகவல் கிடைத்தது. அதனடிப்படையில், பாதுகாப்புப்படை வீரர்கள் சம்பவயிடத்திற்கு விரைந்து சோதனையில் ஈடுபட்டனர்.
அப்போது பயங்கரவாதிகள், வீரர்கள் மீது துப்பாக்கிச்சூடு நடத்தினர். இதற்கு வீரர்களும் பதிலடி கொடுத்தனர். இந்த தாக்குதலில் 3 பயங்கரவாதிகள் சுட்டுக்கொல்லப்பட்டனர். இதுகுறித்து தேவ்சார் பகுதி போலீசார் தரப்பில், "சுட்டுக்கொல்லப்பட்ட இருவரும் லஷ்கர் இ தொய்பா பயங்கரவாத இயக்கத்தை சேர்ந்தவர்கள். அதில் ஒருவர் பாகிஸ்தானை சேர்ந்தவர். அவர்களில் முழு விவரங்கள் குறித்து விசாரித்துவருகிறோம்" எனத் தெரிவிக்கப்பட்டுள்ளது.
முன்னதாக ஜம்மு காஷ்மீரின் அனந்த்நாக் மாவட்டத்தில் மே 6ஆம் தேதி பாதுகாப்புப் படையினருக்கும் பயங்கரவாதிகளுக்கும் இடையே நடந்த துப்பாக்கிச்சூட்டில் 3 பயங்கரவாதிகள் சுட்டுக்கொல்லப்பட்டது குறிப்பிடத்தக்கது.
இதையும் படிங்க: ஜம்மு & காஷ்மீரில் மூன்று பயங்கரவாதிகள் சுட்டுக்கொலை
