மயிலாடுதுறை: நவகிரகத்தில் இருக்கும் கேதுக்கு ஸ்தலமாக விளங்கும் கோயில், சீர்காழியை அடுத்த நாகநாத சுவாமி கோயிலாகும். இங்கு கேது பகவான் தனி சன்னதியில் அருள் பாலித்து வருகிறார். இந்நிலையில், இன்று பாஜக மாநிலத் தலைவர் அண்ணாமலை மற்றும் மாநில பொதுச் செயலாளரும், தஞ்சாவூர் நாடாளுமன்ற வேட்பாளருமான கருப்பு முருகானந்தம் கேது கோயிலில் சிறப்பு வழிபாடு மேற்கொண்டனர்.
முன்னதாக, இருவருக்கும் கோயில் நிர்வாகம் சார்பாக சிறப்பு வரவேற்பு அளிக்கப்பட்டு, ஒவ்வொரு சன்னதியிலும் சிறப்பு பிரார்த்தனை மேற்கொண்டனர். பின் கோயில் குருக்கள் அண்ணாமலைக்கு தாமரை மாலை அணிவித்து, பரிவட்டம் கட்டினர். இதனைத் தொடர்ந்து, பொதுமக்களுடன் புகைப்படம் எடுத்துக் கொண்டு அண்ணாமலை அங்கிருந்து புறப்பட்டார். தேர்தல் முடிவுகள் வெளிவர உள்ள நிலையில், பாஜக முக்கிய தலைவர்கள் பல்வேறு கோயில்களில் வழிபாடு செய்து வருகின்றனர்.
