'டாடா நானோ', அவரின் வெறும் வணிக சிந்தனையாக அது இருக்கவில்லை. ஏழை மக்களும், நான்கு சக்கர வாகனத்தில் மழை நனையாமல், வெயில் படாமல், ஏசி போட்டு காரில் செல்ல வேண்டும் என்று ரத்தன் டாடா எண்ணினார். அதனாலேயே, அவர் மறைந்தப் பிறகு, அவர் நானோவைக் குறித்து வெளிப்படுத்திய வார்த்தைகளில் இருந்து எழுந்த கற்பனையை உங்களுடன் பகிர்ந்து கொள்ள விரும்புகிறேன்.
விண்ணில் பரவிய நட்சத்திரங்கள் மங்கியிருந்த நேரமது. நிசப்தமான இரவு, வானம் வரைபடம் போலப் பரந்திருந்தது. மும்பையில் உள்ள தனது வீட்டின் மாடியில், ரத்தன் டாட்டா மெதுவாக நடைபோட்டார். வயதின் சுமை இப்போது அவரது புறங்களை சாய்த்திருந்தது. ஆனால், மனதில் அவர் இன்னும் இளமைதான். மூடுபனி இருளில் சற்றே மறைந்திருந்த காரை பார்த்தபோது, அவரது இதயம் 'என் கனவு கார்' என்று சற்றே மெருகேறியது.
ஒவ்வொரு பாகமும் அவரின் அன்பு, ஆசை, உழைப்பு ஆகியவற்றின் அடையாளமாக இருந்தது.
"மக்களுக்கான கார்... என் கனவுக்குள் பிறந்தது," என்று மெதுவாக தன்னுடைய மனதில் பேசினார். கண்கள் இமைக்காமல் அந்த வெள்ளை காரைப் பார்த்தார். ஒவ்வொரு பாகமும் அவரின் அன்பு, ஆசை, உழைப்பு ஆகியவற்றின் அடையாளமாக இருந்தது.
"நீ நிச்சயமாக சாதாரண காரல்ல. எல்லோருக்குமான ஒரு மகத்தான இலக்காக நீ இருப்பாய். ஒவ்வொருவரும் தனக்கென ஒரு கார் கொண்டிருக்க வேண்டும் என்ற ஆசை இருக்கும். பிரபலமான கார்களின் விலையால், பலருக்கு அது கனவாகவே இருந்து வந்தது. அதற்கு, உன்னால் நான் இன்று தீர்வு காணப் போகிறேன்.!"
நிழல்கள் மெல்ல இருளில் கரைந்தன. அவர் ஒரு காரை தாயைப் போல பார்த்தபோது, மனதில் பல நினைவுகள் வெள்ளம் போல வழிந்தோடின. அதற்கு 'நானோ' என்று பெயரும் வைத்துவிட்டார். "நீ என்னுடைய மக்களின் கனவுகளை நிறைவேற்ற வேண்டும் என்று நினைத்தேன். உன்னிடம் எல்லோரும் அடைய முடியாத ஒரு இலக்கை அடைய வேண்டிக் கேட்டேன். அதுபடியே என் கனவுகளில் இருந்த காராக, நீ (நானோ) உருவாக்கப்பட்டாய்."
ஆனால் நான் ஒருபோதும் பின்வாங்கவில்லை. நீ ஒரு தோல்வியாக இருந்தாலும், நான் உன்னைத் தோல்வி என்று பார்க்கவில்லை.
கண்கள் அழுத்தமாக மூடியபோது, கண்களில் நீர் வடிந்தது. "நான் நம்பியேன்... ஆனால் இந்த உலகம் அத்தனை எளிதா இல்லை, நானோ! நீ பெரிய கார்களுக்கு போட்டியாக கால் வைத்தாயும், ஆனால் இந்த காலம் உனக்கு உதவவில்லை."
"ஆனால் நான் ஒருபோதும் பின்வாங்கவில்லை. நீ ஒரு தோல்வியாக இருந்தாலும், நான் உன்னைத் தோல்வி என்று பார்க்கவில்லை. நீ மக்கள் வாழ்க்கையில் மாற்றத்தை உண்டாக்கினாய். நீ எனக்கு வெற்றி தான், நானோ."
மூடிய உடலுக்குள் இருந்து அந்த காற்றின் மெல்லிய இசையை அவர் கேட்டார். "நான் இன்னும் பல கனவுகள் கண்டேன், இன்னும் பலவற்றை அடைய நினைத்தேன், ஆனால் என்னுடைய உடலுக்கும், நேரத்துக்கும் எல்லையிருக்கிறது. அதனால் அன்பு நானோ, இனி நான் பரவசமாகவே இருக்கப் போகிறேன். நான் பார்க்க முடியாவிட்டாலும், நீ ஒருபோதும் மறக்கப்பட மாட்டாய்."
கண்கள் மூடப்பட்டன. ரதன் டாட்டா ஒருமுறை கடைசியாக தனது நானோவைப் பார்த்தார். அதற்குள் அவரது சுவாசம் மெதுவாக மங்கியது. ஆனால் அவரது மனம் நானோவின் எண்ணங்களுடன் சுவாசித்தது.
அந்த இரவில், ஒளி மறைந்தபோது, மகிழுந்து கூட ஏதோ மறைந்தது போல உணர்ந்தது. இப்போது, நம்மில் எவருக்கும் மறக்கவோ மறுக்கவோ முடியாதது; நம்மை மனதில் வைத்து நிகழ்கால கனவுகளைக் கண்ட மாமனிதர் ரத்தன் டாடாவை தான்...!
ஈடிவி பாரத் தமிழ் வாட்ஸ்அப் சேனலில் இணைய இங்கே கிளிக் செய்யவும்.
தொழில்நுட்பம் சார்ந்த அண்மை செய்திகளுக்கு ஈடிவி பாரத் தமிழ்நாடு 'டெக்னாலஜி' பக்கத்துடன் இணைந்திருங்கள்.
