திருச்சி: திருச்சி தென்னுார் உழவர் சந்தை மைதானத்தில், தமிழ் மாநில காங்கிரஸ் சார்பில் நடைபெற்ற தமிழ்நாடு முன்னாள் முதலமைச்சர் காமராஜரின் 122வது பிறந்தநாள் விழா பொதுக்கூட்டத்தில் பேசிய டி.டி.வி.தினகரன், “காமராஜர் போன்ற தலைவர்கள் இருந்த தமிழ்நாட்டில் இன்றைய அரசியல் சூழல் மோசமாகி உள்ளது.
பெருந்தலைவர் காமராஜர் பிறந்த நாள் விழா பொதுக்கூட்டம்.
— G.K.Vasan (@GK__Vasan) July 14, 2024
நாள் : 14 - 07 - 2024.
இடம் : உழவர் சந்தை மைதானம், திருச்சி.https://t.co/qm9DGivYMF
பணத்திற்காக மக்கள் வாக்களிக்கும் நிலையை இன்றைய அரசியல்வாதிகள் ஏற்படுத்தி விட்டார்கள். விக்கிரவாண்டி இடைத்தேர்தலிலும் வாக்குக்கு பணம் கொடுத்து ஆட்சி அதிகாரத்தில் இருப்பவர்கள் வெற்றி பெற்றுள்ளார்கள். காமராஜர் வாழ்ந்த இந்த பூமியில் நல்ல ஆட்சியை, ஊழலற்ற, மது விலக்கு உள்ள ஆட்சியை கொடுக்க வேண்டும் என்பது தான் நம் எண்ணமாக உள்ளது.
வேலைவாய்ப்பின்மையால் போதைக்கு அடிமையாகி இன்று இளைஞர்கள் கூலிப்படையாக மாறி உள்ளனர். காமராஜர் அனைத்து ஊர்களிலும் அரசுப் பள்ளிகளை கொண்டு வந்தார். மதிய உணவுத் திட்டத்தை செயல்படுத்தினார். அந்த கல்வி தான் தமிழ்நாடு இந்தியாவில் சிறந்த மாநிலமாக வளர காரணம். தமிழ்நாட்டில் விவசாயம் பெருகவும் 8 அணைகளை காமராஜர் கட்டினார். பெல் உள்ளிட்ட தொழிற்சாலைகளை உருவாக்கியவர் காமராஜர். ஊழலற்ற, நேர்மையான ஆட்சியை தந்தவர் காமராஜர்.
காமராஜரைப் போன்று மோடி இந்தியாவில் நல்லாட்சியை தந்து கொண்டிருக்கிறார். நாம் அவர் கரத்தை வலுப்படுத்தி 2026ல் ஆட்சி அமைக்க வேண்டும். திராவிட மாடல் ஆட்சியில் கல்வியை பணமாக்கி கொண்டிருக்கிறார்கள். இளைஞர்களை போதைக்கு அடிமையாக்கி வருகிறார் முதலமைச்சர் ஸ்டாலின். டிஎன்பிஎஸ்சிக்கு கூட தலைவரை நியமிக்க முடியாத ஆட்சியாக திமுக ஆட்சி உள்ளது. திமுக அரசு சாதிவாரிக் கணெக்கெடுபை எடுக்க மறுக்கிறார்கள்.
திமுக விளம்பரத்தை மட்டும் நம்பி, ஊழலைத் தவிர வேறு எதையும் செய்யவில்லை. தமிழுக்கும் தமிழக மக்களுக்கும் எதையும் செய்யவில்லை. காமராஜர் ஆட்சிக்காலம் பொற்காலம். திராவிட மாடல் ஆட்சி இருண்ட காலம் என்பதை மக்கள் உணர்ந்து விட்டார்கள். 2026 ல் நாம் ஒற்றுமையாக இருந்து தமிழ்நாட்டில் தேசிய ஜனநாயக கூட்டணி ஆட்சி அமைக்க வேண்டும்” எனத் தெரிவித்தார்.
இதையும் படிங்க: கூட்டணிக்காக திமுக விவசாயிகளுக்கு துரோகம் செய்கிறது.. ஜி.கே.வாசன் பேச்சு!
