உடல்நலக்குறைவால் அமைச்சர் சாத்தூர் ராமச்சந்திரன் மருத்துவமனையில் அனுமதி! - Minister Ramachandran is ill

Minister K.K.S.S.R.Ramachandran: தமிழகத்தில் நாடாளுமன்றத் தேர்தல் பிரச்சாரம் தீவிரமாக நடைபெற்று வரும் நிலையில், வருவாய் மற்றும் பேரிடர் மேலாண்மைத் துறை அமைச்சர் கே.கே.எஸ்.எஸ்.ஆர்.ராமச்சந்திரன் உடல்நலக்குறைவு காரணமாக, தனியார் மருத்துவமனையில் அனுமதிக்கப்பட்டுள்ளார்.

சென்னை: தமிழகத்தில் நாடாளுமன்றத் தேர்தல் பிரச்சாரப் பணிகளில் அமைச்சர் கே.கே.எஸ்.எஸ்.ஆர். ராமச்சந்திரன் ஈடுபட்டு வந்தார். இந்நிலையில் நேற்று (மார்ச்.31) அமைச்சர் கே.கே.எஸ்.எஸ்.ஆர். ராமச்சந்திரனுக்கு திடீரென உடல்நலக்குறைவு ஏற்பட்டது.

உடனடியாக சென்னை ஆயிரம் விளக்கு பகுதியில் உள்ள தனியார் மருத்துவமனையில் சிகிச்சைக்காக அமைச்சர் அனுமதிக்கப்பட்டுள்ளார். பின்னர் அமைச்சருக்கு பல்வேறு பரிசோதனைகள் மேற்கொள்ளப்பட்டன. மேலும் அமைச்சருக்கு இருதய பிரச்னை தொடர்பான சிகிச்சை அளிக்கப்படுவதாக தகவல் வெளியாகியுள்ளன.

உடல்நலக்குறைவு காரணமாக மருத்துவர்களின் முழு கண்காணிப்பில் அமைச்சர் கே.கே.எஸ்.எஸ்.ஆர். ராமச்சந்திரன் இருப்பதாகவும், பரிசோதனைகளின் முடிவினைப் பொறுத்து, வீட்டிற்கு அனுப்பி வைக்கப்படுவார் என மருத்துவமனை நிர்வாகம் சார்பில் தகவல் வெளியாகி உள்ளது.

இதையும் படிங்க: வைகை அணை மீன்பிடி உரிமம் தனியாருக்கு டெண்டர்.. அணையில் இறங்கி போராட்டம்; 18 கிராமம் தேர்தல் புறக்கணிக்க திட்டம்! - Vaigai Dam