சென்னை: தமிழகம் முழுவதும் இன்று நாடாளுமன்ற தேர்தல் 2024-ன் முதற்கட்ட வாக்குப்பதிவு நடைபெற்று வருகிறது. இந்நிலையில், திரைத்துறையை சேர்ந்த பிரபலங்கள் பலர் தங்கள் தொகுதிக்கு உட்பட்ட வாக்குச்சாவடிகளுக்கு வந்து தங்கள் வாக்குகளை பதிவு செய்து வருகின்றனர். அந்த வகையில் நடிகர் ரஜினிகாந்த் மற்றும் மக்கள் நீதி மய்யம் கட்சித் தலைவர் கமல்ஹாசன் உள்ளிட்டோர் காலையிலேயே வாக்குச் சாவடிக்கு வந்து தங்கள் வாக்குகளை பதிவு செய்தனர்.
சென்னை ஸ்டெல்லா மேரிஸ் கல்லூரியில் உள்ள வாக்குச்சாவடியில் தனது வாக்கினை செலுத்திய ரஜினிகாந்த், கைகளில் வாக்கு செலுத்தியதன் அடையாளமாக வைக்கப்பட்ட மையை மகிழ்ச்சியுடன் பொதுமக்களிடம் காண்பித்து அங்கிருந்து புறப்பட்டுச் சென்றார்.
அவரை தொடர்ந்து நடிகரும் மக்கள் நீதி மையம் கட்சியின் தலைவருமான கமல்ஹாசன் சென்னை தேனாம்பேட்டையில் உள்ள வாக்குச்சாவடியில் தனது வாக்கினை செலுத்தினார். இந்தியா கூட்டணிக்கு ஆதரவு தெரிவித்து பிரச்சாரம் மேற்கொண்டு வந்த கமல்ஹாசன் புன்னகை சிந்தும் முகத்துடன் அங்கிருந்து புறப்பட்டுச்சென்றார்.
இதையும் படிங்க: சர்கார் பட பாணியில் வாக்களிக்கிறாரா விஜய்? விமான நிலையம் டூ வாக்குச்சாவடி! - Lok Sabha Election 2024
